आज मुंबई पुण्यासह मुख्य शहरातील सराफा बाजारातील सोन्याचा दर २४ कॅरेटसाठी १०१०८ रूपये आहे. तर २२ कॅरेट प्रति ग्रॅम किंमत ९२६५ रूपयांवर आहे.भारतातील एमसीएक्स (Multi Commodity Exchange MCX) मधील सोने निर्देशांकात ०.०३% किरकोळ घसरण दुपारपर्यंत झाली होती. जागतिक गोल्ड फ्युचर निर्देशांकात ०.८०% घट झाली.
चांदीच्या दरातही वाढ कायम !
आज सराफा बाजारात चांदीच्या दरातदेखील वाढ होत आहे.चांदीच्या प्रति ग्रॅम किमतीत १ रुपयाने किरकोळ वाढ झाली आहे. तर चांदी प्रति किलो किंमतीत १००० रूपयांनी वाढ झाल्याने चांदीचे एक किलो दर ११२००० रुपयांवर पोहोचले आहेत. चांदीच्या एमसीएक्सवरील निर्देशांकात देखील ०.०३% घसरण झाल्याने चांदीची पातळी १०८५३५.०० रुपयांवर पोहोचली आहे.
आज मध्यपूर्वेतील इस्त्राईल इराण युद्ध सुरू असतानाही भारताने बाजारातील सोने चांदीच्या किंमतीत अपेक्षित घसरण रोखण्यात यश राखले आहे.किंबहुना बाजारातील फंडामेंटल मजबूत असल्याचा फायदा सोन्याचांदीला आज मिळत आहे. तसेच युएस फेडरल रिझर्व्ह व्याजदरात काल कुठलाही कपात झालेली नाही त्यामुळे तो दर जैसे थे राहिला आहे. अशा परिस्थितीत गुंतवणूकदारांनी सोन्याला पर्याय म्हणून स्विकारण्याला पहिली पसंती दिली आहे. युद्धसंघर्ष शिगेला जात असताना पश्चिमी आशियाई देशात देखील दबावाचे वातावरण होते. अशा परिस्थितीत कच्च्या तेलाच्या मागणीत व किंमतीत वाढ होत असताना गुंतवणूकदार स्थावर मालमत्ता म्हणून सोन्याला अधिक पसंती देत आहेत.
काल युएस फेडदर ४.२५ ते ४.५०% व्याजदरात कुठलीही कपात झाली नाही. तज्ञांच्या मते स्थिर चलनवाढ, मंदावलेली वाढ आणि चालू जागतिक तणाव सोन्याला आधार देत आहेत, परंतु फेडचा आक्रमक प्रतिकार म्हणून काम करत आहे त. याशिवाय चांदीच्या औद्योगिक उत्पादनात वाढलेला वापर व सोन्याच्या तुलनेत माफक दरात म्हणून चांदीच्या गुंतवणूकीत वाढ झाल्याने निर्देशांकातही वाढ सुरूच आहे. अमेरिकेच्या फेडरल रिझर्व्हने व्याजदर स्थिर ठेवल्यानंतर भविष्यात कपातीचा वेग कमी करण्याचे संकेत दिल्यानंतर बुधवारी सोन्याच्या किमतीत घसरण झाली.तत्पूर्वी फेडचे अध्यक्ष जेरोम पॉवेल म्हणाले होते की येत्या काही महिन्यांत मध्यवर्ती बँकेला 'अर्थपूर्ण प्रमाणात चलनवाढ' होण्याची अपेक्षा आहे.