उपमुख्यमंत्री शिंदे म्हणाले, अडीच वर्ष महायुतीचा मुख्यमंत्री असताना राज्यात विकासाची कामे केली. लाडकी बहिण, लाडके भाऊ, शेतकरी, ज्येष्ठ नागरिक अशा सगळ्यांच्या आयुष्यात चांगले दिवस आणण्याचे काम सरकारने केले. या कामाची पोचपावती म्हणून विधानसभा निवडणुकीत महायुतीला ऐतिहासिक बहुमत मिळाले. लाडक्या बहिणींनी महाविकास आघाडीचा चारी मुंड्या चीत केले. ज्यांना सत्तेत येण्याची स्वप्न पडत होती, ती धुळीस मिळाली, अशी टीका उपमुख्यमंत्री शिंदे यांनी केली. महायुती वेगाने काम करत आहेत. त्यामुळेच शिउबाठा, काँग्रेस आणि इतर पक्षातील शेकडो लोक शिवसेनेत प्रवेश करत आहेत, असे उपमुख्यमंत्री शिंदे म्हणाले. शिवसेना दिलेला शब्द पाळते म्हणूनच महाराष्ट्राच्या कानाकोपऱ्यातून शिवसेनेवर विश्वास ठेवून येत आहेत, असे ते म्हणाले. शिंदे दिल्ली दौऱ्यावर असताना यवतमाळमधील पदाधिकारी पक्ष प्रवेशासाठी ठाण्यात एक दिवस मुक्कामी राहिले, याबाबत उपमुख्यमंत्री शिंदे यांनी कौतुक केले.
शिवसेनेत नेर नगरपालिकेचे शिउबाठाचे माजी नगराध्यक्ष पवन जयस्वाल, माजी नगराध्यक्ष सुनीता जयस्वाल, माजी नगराध्यक्ष वनिता मिसळे, नगरसेवक संदीप गायकवाड, दिलीप म्हस्के, साजिद शरिफ, नगरसेविका सरिता सुने, नगरसेविका दर्शना इंगोले, शिउबाठाचे अल्पसंख्याक आघाडीमा माजी जिल्हाध्यक्ष रिझवान खान, गणेश शीलकावार, काँग्रेसचे जिल्हा सरचिटणीस लोकेश इंगोले, माजी जिल्हा परिषद सदस्य राकेश नेमनवार, पंचायत समिती उपसभापती संतोष बोडेवार, माजी सभापती अभय डोंगरे, विविध सहकारी संस्थेचे अध्यक्ष विलास ठाकरे, संचालक राहुल देहणकर, उबाठाचे महागाव शहर समन्वयक अविनाश देशमुख, भाजपचे पदाधिकारी तेजस ठाकरे, शिउबाठाचे सवनाचे पदाधिकारी रुपेश ठाकरे, अमोल जाधव, शुभम राठोड, निलेश भारती या पदाधिकाऱ्यांनी प्रवेश केला.
पश्चिम विदर्भातील १० हजार पदाधिकारी आणि कार्यकर्ते लवकरच शिवसेनेत
पश्चिम विदर्भातील १० हजार पदाधिकारी आणि कार्यकर्ते लवकरच शिवसेनेते पक्ष प्रवेश करणार आहेत. यवतमाळमध्ये पक्ष प्रवेशाचा सोहळा होणार आहे. एकनाथ शिंदे यांच्या कार्यपद्धतीवर विश्वास ठेवून विदर्भातील किमान १० हजार कार्यकर्ते लवकरच शिवसेनेत प्रवेश करणार असल्याचे मंत्री राठोड यांनी सांगितले.