प्रतिनिधी: सोन्यात सलग सातव्यांदा आणि चांदीत सलग तिसऱ्यांदा वाढ झाली आहे. बाजारातील अस्थिरतेचा परिपाक म्हणून सोने प्रति तोळा १०२५५० रूपयांवर पोहोचले आहे. जागतिक टेलवाईंडचा परिणाम म्हणून सोन्याच्या व चांदीच्या स्पॉट मागणीत मोठी वाढ झाली ज्यात सोन्याच्या गुंतवणूकीत वाढलेली मागणी पाहता निर्देशांकात आज मोठी वाढ झाली आहे. ' गुडरिटर्न्स' संकेतस्थळावरील माहितीनुसार, २४ कॅरेट सोन्याच्या प्रति ग्रॅम दरात २२ रूपये, २२ कॅरेटच्या प्रति ग्रॅम दरात २० रूपये, १८ कॅरेट सोन्याच्या प्र ति ग्रॅम दरात १६ रूपये वाढ झाली. परिणामी सोन्याच्या प्रति ग्रॅम किंमत अनुक्रमे २४ कॅरेटसाठी १०२५५, २२ कॅरेटसाठी ९४०००, १८ कॅरेटसाठी ७६९१ रूपयांवर पोहोचल्या आहेत.संकेतस्थळावरील माहितीनुसार, सोन्याच्या २४ कॅरेट प्रति तोळा किंमतीत २२० रूपयांनी, २२ कॅरेट सोन्याच्या प्रति तोळा किंमतीत २०० रूपयांनी, १८ कॅरेट सोन्याच्या प्रति तोळा किंमतीत १६० रूपये वाढ झाली आहे. त्यामुळे सोन्याचे प्रति तोळा दर अनुक्रमे २४ कॅरेटसाठी १०२५५०, २२ कॅरेटसाठी ९४०००, १८ कॅरेटसाठी ७६९१० रूपयांवर पोहोचली आहे.
आंतरराष्ट्रीय बाजारातील सोन्याच्या जागतिक निर्देशांकात आज वाढ झाली होती. संध्याकाळपर्यंत सोन्याच्या गोल्ड फ्युचर निर्देशांकात ०.६१% वाढ झाली आहे. भारतीय कमोडिटी बाजारातील एमसीएक्स (Multi Commodity Exchange MCX) यामध्ये ०.१३ % वाढ झाली आहे. त्यामुळे सोन्याची एमसीएक्स दरपातळी १०१३९१ रूपयांवर पोहोचली आहे. जागतिक मानक असलेल्या युएस गोल्ड स्पॉट दरात ०.४०% वाढ झाल्याने प्रति डॉलर दरपातळी ३३८३.५३ औंसवर गेली आहे. संकेतस्थळावरील भारतातील मुंबई सह प्रमुख शहरातील सोन्याचे सरासरी प्रति ग्रॅम दर २४ कॅरेटसाठी १०२५५,२२ कॅरेटसाठी ९४०० रूपये,१८ कॅरेटसाठी ७७६० रूपयांवर पोहोचले आहेत. युएस राष्ट्राध्यक्ष डोनाल्ड ट्रम्प यांच्या टेरिफ वाढीच्या सत्राने बाजार हादरले असताना आता सोने व कच्च्या तेलात दबाव निर्माण झाला. आजही संध्याकाळपर्यंत डॉलर निर्देशांकात ०.०५% वाढ झाली आहे. सातत्याने डॉलर वाढल्याने बास्केट मधील इतर चलनात घसरण होत आहे ज्याचा फटका भारतात होत आहे. आज डॉलरच्या तुलनेत रुपयाची किंमतीत किरकोळ वाढ झाली असली तरी भारतातील सोन्याच्या मोठ्या मागणीचा परिणाम म्हणून सोने महाग झाले आहे.
चांदीच्या दरातही सलग तिसऱ्यांदा वाढ -
चांदीच्या दरातही सलग तिसऱ्यांदा आज वाढ झाली आहे. वाढलेली औद्योगिक मागणी, वाढलेले स्पॉट खरेदी विक्री, याशिवाय बाजारातील घटलेल्या पुरवठ्यामुळे ही वाढ झाली आहे. जागतिक चांदीच्या निर्देशांकात आज मोठी वाढ झाली होती. संध्याकाळपर्यंत चांदीच्या जागतिक पातळीवरील सिल्वर फ्युचर निर्देशांकात तब्बल १.५४% वाढ झाली आहे. तर भारतीय बाजारपेठेतील एमसीएक्समध्ये चांदीच्या निर्देशांकात ०.९७% वाढ झाली आहे. त्यामुळे चांदीची दरपातळी ११४७५७ रूपयांवर पोहोचली. आजच्या चांदीचे दर 'गुडरिटर्न्स ' संकेतस्थळावरील माहितीनुसार, प्रति ग्रॅम १ रूपयांनी वाढ झाल्याने दर ११७ रूपयांवर गेले तर प्रति किलो दरात १००० रूपयांनी वाढ झाल्याने दरपातळी ११७००० रूपयांवर गेली. मुंबईसह भारतातील प्रमुख शहरातील चांदीची सरासरी दर पा तळी प्रति १० ग्रॅमसाठी १२७० रूपये, तर प्रति किलोसाठी १२७००० रुपयांवर आहे.