प्रांजल खेवलकरच्या अडचणीत वाढ
पुणे: एकनाथ खडसे यांचे जावई आणि रोहिणी खडसे यांचा पती प्रांजल खेवलकरच्या अडचणीत वाढ झाल्या आहेत. एका महिलेचे चोरून फोटो अन् व्हिडिओ काढल्याप्रकरणी प्रांजल खेवलकर आणखी गोत्यात सापडले आहेत. संबंधित महिलेच्या तक्रारीनंतर पुणे सायबर पोलिसात त्याच्यावर गुन्हा दाखल करण्यात आला आहे.
पुणे खराडी रेव्ह पार्टी प्रकरणात सध्या कोठडीत असलेला डॉ. प्रांजल खेवलकर आणखी अडचणीत सापडला आहे. आता नव्या प्रकरणात, एका महिलेच्या तक्रारीनुसार खेवलकरने तिची संमती न घेता व्हिडिओ आणि फोटो काढले, असा आरोप आहे. या तक्रारीनुसार सायबर पोलिसांनी आयटी अ‍ॅक्ट ६६E आणि BNS कलम ७७ अंतर्गत गुन्हा नोंदवला आहे. यामुळे रेव्ह पार्टी प्रकरणानंतर खेवलकरचे पाय आणखीन गाळात रुतले गेले आहेत.
राज्य महिला आयोगाच्या अध्यक्षा रुपाली चाकणकर यांनी पत्रकार परिषदेत खेवलकरवर गंभीर आरोप केले होते. त्यांनी दिलेल्या माहितीनुसार खेवलकरच्या मोबाइलमध्ये शेकडो अश्लील फोटो आणि व्हिडिओ सापडले होते. या उघडकीनंतर राज्यभरात मोठी खळबळ देखील उडाली होती.