मोहित सोमण:दिवसाअखेर रेडिंग्टन लिमिटेड (Redington Limited) कंपनीचा शेअर १९.८३% म्हणजेच जवळपास २०% उसळत २८९.३० रूपये प्रति शेअरवर बंद झाला आहे. दुपारपर्यंतच कंपनीचा शेअर १६% पेक्षा उसळत व्यवहार करत होता. दिवसभ रात इंट्राडे ट्रेडिंगवर १६ ते २०% प्रिमियम दराने शेअर व्यवहार करत असल्याने या समभागात (Stocks) मोठी मागणी निर्माण झाली होती. त्यामुळे मोठ्या प्रमाणात या शेअर्समध्ये वाढ झाली. सत्राच्या सुरुवातीलाच सकाळी बाजारातील माहितीनुसार, कंपनीच्या व्हॉल्यूममध्ये मोठी वाढ झाली आहे. सकाळीच ७ कोटी शेअरची उलाढाल झाली होती. यापूर्वी २० दिवसांच्या सरासरीनुसार केवळ ८.७ कोटीं शेअर्सची उलाढाल झाली होती.
बाजारातील उपलब्ध माहितीनुसार या कंपनीच्या शेअर्समध्ये ब्लॉक डील झाले आहे. अद्याप खरेदी व विक्री करण्याऱ्यांची नावे अद्याप समोर आली नाहीत. मात्र टेक्निकल बेसिस वर कंपनीचा शेअर या वाढीसह ५० दिवसांच्या डीएमए (Daily Moving Average DMA) हून अधिक वाढला. यापूर्वी कंपनीच्या निकालानुसार, इयर ऑन इयर बेसिसवर कंपनीच्या महसूलात २२% वाढ झाली होती तर ईबीटा ( करपूर्व कमाई EBITDA) ८% वाढली होती. मात्र कंपनीच्या मार्जिनमध्ये गेल्या वर्षी घसरण झाली होती.
प्रामुख्याने आ यफोन १७ लाँचच्या पार्श्वभूमीवर गुंतवणूकदारांनी या शेअरला मोठा प्रतिसाद दिला. १९ सप्टेंबरला भारतात Apple iPhone 17 ची विक्री सुरू होणार आहे. प्री-ऑर्डर आधीच सुरू झालेल्या आहेत. रेडिंग्टन हे भारतातील Apple उत्पादनांचे प्रमुख वि तरक (Distributor) आहे. कंपनीने २००७ मध्ये भारतात Apple उत्पादनांचे वितरण सुरू केले.