जिल्हा परिषद आणि पंचायत समितीसाठी भाजपचे चिपळूणमधील उमेदवार जाहीर

जि.प.साठी तीन, तर पं.स. साठी सात उमेदवार निवडणूक रिंगणात

भाजपचे नेते माजी आमदार डॉ. विनय नातू, भाजपचे नेते प्रशांत यादव आणि जिल्हाध्यक्ष सतीश मोरे यांच्याकडून उमेदवारांना विजयासाठी शुभेच्छा

चिपळूण : जिल्हा परिषद आणि पंचायत समिती निवडणुकीसाठी भारतीय जनता पार्टीच्या उमेदवारांची नावे आज जाहीर करण्यात आली. भाजप-शिवसेना युतीच्या माध्यमातून चिपळूणमध्ये जिल्हा परिषद आणि पंचायत समिती निवडणूक लढविली जाणार असून भाजपकडून तीन जिल्हा परिषद गट तर सात पंचायत समिती गणात उमेदवार उभे केले जाणार आहेत. भाजपचे नेते माजी आमदार डॉ. विनय नातू, भाजपचे नेते प्रशांत यादव आणि जिल्हाध्यक्ष सतीश मोरे यांच्या नेतृत्वाखाली या निवडणुका लढविल्या जाणार आहेत.

नगरपालिका निवडणुकीत चांगले यश मिळाल्याने भारतीय जनता पार्टीच्या पदाधिकारी व कार्यकर्त्यांमध्ये चैतन्याचे वातावरण आहे. तसेच, महानगरपालिकांमध्ये राज्यभरात भाजपला मोठे यश मिळाल्याने जिल्हा परिषद आणि पंचायत समितीची निवडणूक लढविण्याकरिता आणि युतीच्या विजयाचा भगवा फडविण्याकरिता भाजपचे पदाधिकारी व कार्यकर्ते सज्ज झाले आहेत. भाजपचे नेते माजी आमदार डॉ. विनय नातू, भाजपचे नेते प्रशांत यादव आणि जिल्हाध्यक्ष सतीश मोरे यांच्या नेतृत्वाखाली या निवडणुका लढविण्यासाठी उमेदवारही सज्ज झाले असून, आज भारतीय जनता पार्टीने आपले उमेदवार जाहीर केले.

यात पेढे जिल्हा परिषद गटासाठी सौ. दीप्ती दीपक महाडिक, खेर्डी जिल्हा परिषद गटासाठी सौ. रावी सतीश मोरे आणि उमरोली जिल्हा परिषद गटासाठी योगेश चंद्रकांत शिर्के यांना उमेदवारी जाहीर करण्यात आली आहे. तसेच कळवंडे पंचायत समिती गणासाठी सौ. सायली सुनील वाजे, खेर्डी पंचायत समिती गणासाठी विनोद जयवंत भुरण, पिंपळी खुर्द पंचायत समिती गणासाठी सौ. सुप्रिया सुनील देवरुखकर, वेहेळे पंचायत समिती गणासाठी राम दशरथ राजेशिर्के, शिरगाव पंचायत समिती गणासाठी सौ. नयना उदय पवार, गुढे पंचायत समिती गणासाठी सौ. आराध्या अमोल रावणंग आणि कुटरे पंचायत समिती गणासाठी कु. अक्षता राजाराम होवले यांना उमेदवारी जाहीर करण्यात आली आहे.

भाजपचे नेते माजी आमदार डॉ. विनय नातू, भाजपचे नेते प्रशांत यादव आणि जिल्हाध्यक्ष सतीश मोरे यांनी सर्व उमेदवारांना निवडणुकीतील विजयासाठी शुभेच्छा दिल्या आणि भाजप-शिवसेना युतीच्या माध्यमातून जिल्हा परिषद आणि पंचायत समितीवर युतीचा भगवा फडकवूया, असे आवाहनही त्यांनी केले. यावेळी चिपळूण ग्रामीण पूर्वचे मंडल अध्यक्ष विनोद भुरण आणि चिपळूण ग्रामीण पश्चिमचे तालुकाध्यक्ष उदय घाग उपस्थित होते.