मुंबई : जग तंत्रज्ञानाच्या बाबतीत वेगाने पुढे जात आहे. या वेगावर स्वार होण्यास भारतीयांना सक्षम करण्यासाठी केंद्र सरकारकडून आवश्यक पावले उचलली जात आहेत. त्याचाच एक भाग म्हणून अर्थमंत्री निर्मला सीतारामन यांनी अर्थसंकल्प २०२६ मध्ये तंत्रज्ञान क्षेत्रासाठी एक 'गेमचेंजर' घोषणा केली आहे. जागतिक क्लाउड कंपन्यांना भारतात आकर्षित करण्यासाठी सरकारने तब्बल २०४७ पर्यंत कर सवलत (Tax Holiday) जाहीर केली आहे. या निर्णयामुळे भारत आता जगाचे 'डेटा हब' बनण्याच्या दिशेने कूच करत असून, संबंधित कंपन्यांच्या शेअर्समध्ये मोठी खरेदी दिसून आली.
२०४७ पर्यंत ‘टॅक्स हॉलिडे’ची घोषणा
सरकारकडून परदेशी क्लाउड कंपन्यांना एक विशेष ऑफर
जर जागतिक कंपन्यांनी भारतात डेटा सेंटर उभारले आणि तिथून जगभरात सेवा दिल्या, तर त्यांना २०४७ पर्यंत कोणताही कर भरावा लागणार नाही.
1 अट : भारतीय ग्राहकांना दिल्या जाणाऱ्या सेवा एका 'भारतीय पुनर्विक्रेत्यामार्फत' देणे अनिवार्य असेल. यामुळे जागतिक स्तरावरील 'हायपरस्केलर्स' (जसे की ॲॅमेझॉन, गुगल, मायक्रोसॉफ्ट) भारतात मोठी गुंतवणूक करण्याची शक्यता आहे.
2 अनंता राज : दिल्ली एनसीआर भागात डेटा सेंटर पार्क्स उभारणाऱ्या या कंपनीचा शेअर १० टक्केनी वधारला. एमके ग्लोबलने या शेअरसाठी ८०० रुपयांचे मोठे लक्ष्य दिले आहे.
3 ओरिएंट टेक्नॉलॉजीज : आयटी पायाभूत सुविधा पुरवणाऱ्या या कंपनीत गुंतवणूकदारांनी मोठी रस दाखवला, ज्यामुळे शेअर ९ टक्केनी वाढला.
4 टेक्नो इलेक्ट्रिक : डेटा सेंटरच्या बांधकामासाठी लागणाऱ्या वीज यंत्रणा पुरवणाऱ्या या कंपनीचा शेअर ८ टक्क्यांनी वधारला.
5 नेटवेब टेक्नॉलॉजीज : सुपरकंप्युटिंग आणि सर्व्हर बनवणाऱ्या या कंपनीला नव्या डेटा सेंटर्सचा मोठा फायदा होणार असल्याने शेअर ६ टक्केनी वाढला.
6 कमिन्स इंडिया : डेटा सेंटर्सना अखंड वीजपुरवठा करण्यासाठी लागणाऱ्या जनरेटर्सची मागणी वाढणार असल्याने या शेअरमध्येही सकारात्मकता दिसून आली.