उड्डाणपुलाच्या मार्गातील ७५० मिलिमीटर व्यासाची जलवाहिनी वळवणार
मुंबई : गोरेगाव (पूर्व) येथील दादासाहेब फाळके चित्रनगरी मार्गावरील उड्डाणपुलाच्या पोहोच रस्ता भागात येणाऱ्या ७५० मिलीमीटर व्यासाच्या वळविण्यात आलेल्या जलवाहिनीच्या छेद जोडणीचे काम मंगळवार १० मार्च २०२६ रोजी सकाळी ९ वाजेपासून बुधवार ११ मार्च २०२६ रोजी सकाळी ९ वाजेदरम्यान हाती घेण्यात येणार आहे. या २४ तासांच्या कालावधीत ‘पी पूर्व’ आणि ‘पी दक्षिण’ विभागातील काही परिसरांचा पाणीपुरवठा पूर्णत: तर काही ठिकाणी अंशत: बंद राहणार आहे.
परिसरातील नागरिकांनी, पाणीपुरवठा बंद असण्याच्या अगोदरच्या दिवशी आवश्यकतेनुसार पाण्याचा साठा करून ठेवावा. तसेच, पाणीपुरवठा बंद असलेल्या कालावधीत पाण्याचा काटकसरीने वापर करावा. जलवाहिनीच्या कामानंतर पुढील काही दिवस गढूळ पाणीपुरवठा होण्याची शक्यता आहे. खबरदारीचा उपाय म्हणून नागरिकांनी पाणी गाळून व उकळून प्यावे तसेच महानगरपालिकेस सहकार्य करावे, असे विनम्र आवाहन मुंबई महानगरपालिका प्रशासनाच्या वतीने करण्यात येत आहे. या दुरुस्ती कामाच्या प्रत्यक्ष कालावधीत ‘पी पूर्व’ आणि ‘पी दक्षिण’ विभागातील खालील परिसरांमध्ये पाणीपुरवठा बंद तर काही परिसरांमध्ये कमी दाबाने पाणीपुरवठा होणार आहे.
विभाग परिसर -
पी पूर्व विभाग : शिवशाही प्रकल्प,(पाणीपुरवठा बंद राहील)
पी पूर्व विभाग : श्रीकृष्ण नगर, इंदिरा गांधी संशोधन संस्था (पाणीपुरवठा बंद राहील)
पी दक्षिण विभाग : सॅटेलाईट टॉवर, संतोष नगर, माळी नगर, हबळे पाडा, उमरशेट पाडा, नगरमोडे पाडा, सुनील मैदान, फिल्म सिटी मार्गालगतचा परिसर ( पाणीपुरवठा बंद राहील)
पी दक्षिण विभाग : मोहन गोखले मार्ग, कृष्णा वाटिका मार्ग, साई मार्ग व आर्य भास्कर मार्ग (कमी दाबाने पाणीपुरवठा)