महापालिका स्थायी समितीच्या बैठकीमध्ये सदस्यांकरता पाण्याच्या प्लास्टिक बॉटल्स पुरवल्या जातात. प्रत्येक सदस्यांच्या समोर टेबलवर मिनरल वॉटरच्या प्लास्टिक बॉटल्स ठेवल्या जातात. मात्र, याला सभागृहनेते गणेश खणकर यांनी हरकत घेत यापुढे प्रत्येक सभांमध्ये सदस्यांना पुरवले जाणारे पाण्याचा बॉटल्स त्वरीत बंद करण्यात याव्या. या प्लास्टिक बॉटल्समधून पाणी न पुरवता महापालिका नियोजन विभागाच्या माध्यमातून ज्या काचेच्या बॉटल्स उपलब्ध करून दिल्या आहेत, त्या बॉटल्समधून सदस्यांना पाणी दिले जावे अशी सूचना खणकर यांनी केली. येत्या पुढील सभांमध्ये काचेच्या बॉटल्स पाणी सदस्यांना दिले जावे अशी सूचना खणकर यांनी केल्यानंतर स्थायी समिती अध्यक्षांनी याची दखल प्रशासनाने घेऊन याची त्वरीत कार्यवाही केली जावी असे आदेश दिले. त्यामुळे स्थायी समितीच्या बैठकांमधून प्लास्टिक पाण्याचा बॉटल्स आता बाद झालेल्या दिसतील.