नागपूर : सोशल मीडियावर होणाऱ्या ओळखी या अत्यंत भयानक रूप घेऊ शकतात, याचा प्रत्यय या नागपूरच्या घटनेमधून स्पष्ट होत आहे. इंटरनेट आणि सोशल मीडियाचा वापर हा चांगला जरी असला तरी त्याचे तोटे ही तितकेच वाईट आणि भयानक आहेत. नागपुरात अशाच सोशल मीडियाच्या माध्यमातून एका अल्पवयीन मुलीवर बलात्कार केल्याची धक्कदायक घटना घडली आहे.
नेमकं काय घडलं?
मिळालेल्या माहितीनुसार, पीडित मुलगी ही नागपूर शहरातील सिव्हिल लाईन्स हा भागात राहत असून एका नामांकित शाळेत शिक्षण होती. या प्रकरणातील आरोपी करण केशव केशी ( वय २८ ) हा टाईल्स फिटिंगचे काम करतो. त्याने सोशल मीडियाच्या माध्यमातून या अल्पवयीन मुलीशी ओळख वाढवून तिला आपल्या प्रेमाच्या जाळयात ओढले.
हॉटेल मध्ये नेऊन ...
त्यानंतर १८ मार्च आणि १७ मार्च या दोन दिवशी आरोपीने पीडितेला शाळेच्या गेटवरून फूस लावून पळवून नेले. ओळख पटू नये म्हणून शाळेचा गणवेश काढून सार्वजनिक सुलभमध्ये तिला कपडे बदलण्यास सांगितले. नागपुरातील फ्रेंड्स कॉलनीतील एका हॉटेलमध्ये नेऊन दुसऱ्याच मुलीचे आधारकार्ड दाखवत रूम बुक केली आणि तिच्यावर अत्याचार केला.
आपला सोशल मीडियावरचा चांगला मित्र समजून अल्पवयीन मुलगी या तरुणासोबत गेली होती. परंतु आरोपीने जेव्हा तिला स्पर्श करायला सुरुवात केली तेव्हा तिने या गोष्टीला विरोध करताच आरोपीने तिच्यावर अनैसर्गिक अत्याचार केले.
मुलगी शाळेत सतत गैरहजर असल्याचे पालकांना मेसेज
मुलगी शाळेत अनुपस्थित असल्याचे मेसेज पालकांना मिळत होते. मुलीच्या वागण्यातील बदल आणि शाळेतल्या तिच्या दांड्या यावरून आई बाबांनी विश्वासात घेऊन तिची विचारपूस केली असता घाबरलेल्या मुलीने घडलेला सर्व प्रकार आपल्या पालकांना सांगितला.
पोलीस तपास
या प्रकारणानंतर पालकांनी ताबडतोब पोलीस ठाणे गाठून तक्रार नोंदवली. सदर पोलिसांनी आपली चक्र फिरवत आरोपी केशी याला बेड्या ठोकल्या.
सोशल मीडियाचा वापर हा किती भयानक ठरू शकतो. हे या घटनेनंतर स्पष्ट झाले आहे. पालकांनी आपल्या मुलांना फोन देण्यासोबतच आपली मुलं सोशल मीडियाचा गैरवापर तर करत नाहीत ना? याकडे ही लक्ष द्यायला हवे. या घटनेवरून सोशल मीडियाचा वापर आणि अल्पवयीन मुलांच्या सुरक्षितेचा मुद्दा पुन्हा एकदा ऐरणीवर आला आहे.