मुंबई : मुंबईतील प्रसिद्ध ट्रायडन्ट हॉटेलमध्ये आयपीएल २०२६ निमित्त भारतात आलेल्या बीसीसीआयच्या ब्रॉडकास्ट इंजिनिअरचा संशयास्पद मृत्यू झाल्याने मोठी खळबळ उडाली आहे. यान विल्यम लेग्नफोर्ड असे मृत व्यक्तीचे नाव असून ते मूळचे ब्रिटिश नागरिक होते.
सामना संपल्यानंतर ते आपल्या हॉटेलमधील २७१५ क्रमांकाच्या खोलीत परतले. मात्र, ३० मार्च रोजी सकाळी रिसेप्शनमधून वारंवार फोन करूनही कोणताही प्रतिसाद मिळाला नाही. त्यानंतर हॉटेल कर्मचाऱ्यांनी मास्टर कीच्या साहाय्याने दरवाजा उघडला असता, यान लेग्नफोर्ड हे खोलीत खाली पडलेल्या अवस्थेत आढळून आले.
तत्काळ हॉटेलच्या डॉक्टरांना पाचारण करण्यात आले, मात्र त्यांनी त्यांना मृत घोषित केले. या घटनेनंतर मरीन ड्राईव्ह पोलीस ठाणे येथे मृत्यूची नोंद करण्यात आली असून, नेमकं मृत्यूचं कारण काय याचा तपास पोलीस करत आहेत.