मुंबई : बिग बॉस मराठी ६ सीझन यंदा अनेक गोष्टींमुळे सतत चेर्चेत आहे. आता या सीझनचे काही दिवसच शिल्लक राहिले असून बिग बॉसच्या घरातील शेवटच्या कॅप्टनसीसाठी सदस्यांनी प्रचंड खटाटोप केल्याचे दिसले. घरातील काटा ग्रुपकडून तन्वी, दिपाली आणि रेवा तर टोळी गँगमधील अनुश्री, सागर यांच्यात कॅप्टनसीसाठी लढत पाहायला मिळाली. शेवटच्या कॅप्टनसीच पद कोणाला मिळाला हे आता समोर आलं आहे.
बिग बॉसच्या प्रोमोची सध्या सोशल मीडियावर जोरदार चर्चा आहे. या प्रोमोवर अनेकांनी कमेंट्स करत कॅप्टन सीचा मान कोणाला मिळाला हे सांगितल्याच दिसतय.
ही कॅप्टनसी काटा गँगमधील एका सदस्याला मिळाल्याचं समजतंय. या ग्रुपमध्ये तन्वी दिपाली आणि रेवा आहेत. या तिघांपैकी एकजण कॅप्टन झालाय त्यामुळे राकेश बापटच्या चेहऱ्यावर आनंद ओसंडून वाहत असल्याचं दिसलं.
बिग बॉस मराठीच्या सहाव्या पर्वात शेवटचं कॅप्टन पद रेवा कौरासेने मिळवलं असल्याचं कळतंय. ती वाइल्ड कार्ड स्पर्धक म्हणून बिग बॉसच्या घरात आलेली.
घरात आल्यानंतर तिला कायम वाइल्ड कार्ड म्हणून हिणवलंही गेलं. आता बिग बॉसमध्ये अवघे आठ स्पर्धक उरले असून यात अनुश्री, राकेश ,तनवी, सागर, दिपाली, रेवा, विशाल, राखी यांचा समावेश आहे. यातच आता बिग बॉस ६ सीझनमध्ये नेमकं कोण जिंकणार ? याबाबत प्रेक्षकांमध्ये प्रचंड उत्सुकता वाढली आहे.