मुंबई : मुंबई महापालिकेच्यावतीने रस्ते आणि रेल्वे कल्व्हर्ट यांच्या सफाईसाठी रिमोट कंट्रोल स्वींग लोडर मशीनचा वापर करण्यात येणार आहे. ही मशीन कॉम्पॅक्ट असून नाल्याच्या बाहेरुन ऑपरेट केली जावू शकते आणि नाल्यातील माती, दगड तसेच लाकूड यासारख्या मोठ्याप्रमाणात कचरा याद्वारे बाहेर काढता येवू शकतो.
मुंबई शहर व उपनगरात पावसाच्या पाण्याचा निचरा होण्याकरीता पर्जन्य जलवाहिन्यांचे जाळे याची सफाई करण्यासाठी विविध प्रकारची वाहनरुद्ध मशीन्स आहेत. ज्यांचा वापर शहरातील ९ आणि १५ उपनगरीय वॉर्डामध्ये मॅनहोल, पाण्याचे प्रवेशद्वार साफ करण्यासाठी तथा गाळ काढण्यासाठी केला जात आहे.
मुंबई महापालिकेच्या अपुऱ्या कर्मचाऱ्यांअभावी ही महापालिका प्रशासनाला या २४ मशिन्सच्या देखभालीसाठी नव्याने तीन वर्षांकरता नेमणूक करण्याचा निर्णय घ्यावा लागला. या साठी तीन वर्षांकरता सुमारे अडीच कोटी रुपये खर्च केले आहेत. यासाठी एच ई सी एन्व्हारो प्रायव्हेट लिमिटेड कंपनीची निवड करण्यात आली आहे.