मुंबई : मुंबई मेट्रो रेल कॉर्पोरेशनच्या (एमएमआरसी) संचालक (प्रकल्प) पदी ज्येष्ठ अभियंता गौतम बिर्‍हाडे (Gautam Birhade) यांची नियुक्ती करण्यात आली आहे. बिर्‍हाडे यांनी सोमवारी आपल्या पदाचा पदभार स्वीकारला. 'एमएमआरसी'च्या व्यवस्थापकीय संचालक अश्विनी भिडे यांनी त्यांचे स्वागत केले.
या नियुक्तीपूर्वी बिर्‍हाडे पुणे महा-मेट्रोमध्ये कार्यकारी संचालक (भूमिगत) म्हणून कार्यरत होते. पुणे मेट्रोच्या आव्हानात्मक भूमिगत टप्प्यांचे नियोजन आणि अंमलबजावणी त्यांच्याच देखरेखीखाली झाली. त्याआधी त्यांनी मध्य रेल्वेमध्ये विविध महत्त्वाच्या पदांवर काम करताना अनेक पायाभूत प्रकल्प वेळेत पूर्ण करण्यात यश मिळवले आहे.