मुंबई : रेल्वेने मुंबई विभागातील तिन्ही उपनगरीय मार्गांवर रविवारी १२ एप्रिल रोजी विविध अभियांत्रिकी व देखभाल कामांसाठी मेगाब्लॉक घेतला आहे. मध्ये रेल्वेच्या मुख्य मार्गिकेवरछत्रपती शिवाजी महाराज टर्मिनस आणि विद्याविहार दरम्यान अप व डाऊन धिम्या मार्गावर सकाळी १०.५५ ते दुपारी ३.५५ वाजेपर्यंत ब्लॉक असेल. तर पश्चिम रेल्वेने सांताक्रुझ आणि गोरेगाव दरम्यान अप व डाऊन मार्गावर सकाळी १० ते दुपारी ३ वाजेपर्यंत ब्लॉक घेतला आहे. छत्रपती शिवाजी महाराज टर्मिनस येथून सकाळी १०.४८ ते दुपारी १५.४५ वाजेपर्यंत सुटणाऱ्या डाऊन धिम्या मार्गावरील सेवा छत्रपती शिवाजी महाराज टर्मिनस, मुंबई ते विद्याविहार दरम्यान डाऊन जलद मार्गावर वळविण्यात येतील. या गाड्या भायखळा, परळ, दादर, माटुंगा, शीव व कुर्ला स्थानकांवर थांबतील आणि पुढे विद्याविहार येथे पुन्हा डाऊन धिम्या मार्गावर वळविण्यात येतील. घाटकोपर येथून सकाळी १०.१९ ते दुपारी ३.५२ वाजेपर्यंत सुटणाऱ्या अप धिम्या मार्गावरील सेवा विद्याविहार ते छत्रपती शिवाजी महाराज टर्मिनस, मुंबई दरम्यान अप जलद मार्गावर वळविण्यात येतील. या गाड्या कुर्ला, शीव, माटुंगा, दादर, परळ व भायखळा स्थानकांवर थांबतील.
हार्बर लाईन
छत्रपती शिवाजी महाराज टर्मिनस – चुनाभट्टी / बांद्रा (डाऊन)
वेळ: सकाळी ११.४० ते सायंकाळी ४.४० वाजेपर्यंत
चुनाभट्टी / बांद्रा – छत्रपती शिवाजी महाराज टर्मिनस (अप)
वेळ: सकाळी ११.१० ते सायंकाळी ४.१० वाजेपर्यंत
कुठे : पनवेल / बेलापूर / वाशी
कधी : सकाळी ९.५३ ते दुपारी ३.२०
कुठे : गोरेगाव ते बांद्रा
कधी : सकाळी १०.४५ ते सायंकाळी ५.१३
या कालावधीत लोकल सेवा रद्द :
छत्रपती शिवाजी महाराज टर्मिनस येथून सकाळी ११.१६ ते सायंकाळी ४.४७ वाजेपर्यंत वाशी / बेलापूर / पनवेलकडे जाणाऱ्या डाऊन मार्गावरील हार्बर सेवा रद्द राहतील.
छत्रपती शिवाजी महाराज टर्मिनस येथून सकाळी १०.४८ ते सायंकाळी ४.४३ वाजेपर्यंत बांद्रा / गोरेगावकडे जाणाऱ्या डाऊन हार्बर मार्गावरील सेवा रद्द राहतील.