- पुढील तीन वर्षांसाठी संस्थांची नेमणूक
मुंबई (सचिन धानजी)
मुंबईतील वाढत्या भटक्या श्वानांची संख्या नियंत्रणात आणण्यासाठी या श्वानाच्या निर्बिजीकरणाचा अर्थात नसबंदीचा कार्यक्रम हाती घेण्यात आला आहे. त्यामुळे या वर्षभरात ४५ हजार भटक्या श्वानांची नसबंदी केली जाणार असून पुढील तीन वर्षांमध्ये एकूण १ लाख ३५ हजार भटक्या श्वानांची नसबंदी करण्याचे लक्ष्य आहे. या तीन वर्षांच्या कालावधीत नसबंदी करण्यासाठी परळ येथील मुंबई पशुवैद्यकीय महाविद्यालयासह इतर ९ संस्थांची नेमणूक करण्यात आली आहे. या तीन वर्षांत नसबंदीवर तब्बल सुमारे २३ कोटी रुपये खर्च केले जाणार आहेत.
मुंबईतील सन २०२४नुसारअसलेली भटक्या श्वानांची संख्या : ९०,७५७
त्यातील नसबंदी झालेल्या श्वानांची संख्या : ३३, ६७१
नसबंदी न झालेल्या नर आणि मादी श्वानांची संख्या :(नर २२,४४७, मादी ११,२२४)
भविष्यात वाढल्या जाणाऱ्या श्वानांची संख्या : ४,४८,९४७
कोणत्या संस्था आणि वर्षाला किती भटक्या श्वानांचे करणार निर्बिजीकरण :
द वेल्फेअर ऑफ स्ट्रेडॉग्ज-महालक्ष्मी (३००० श्वान)(वार्षिक खर्च ४६.५० लाख रुपये)
दि बॉम्बे सोसायटी फॉर प्रिव्हेंन्शन ऑफ क्रुएल्टी टू एनिमल,परळ ( १४०० श्वान)(वार्षिक खर्च २४.५० लाख रुपये)
इन डिफेन्स ऑफ एनिमल, देवनार ( ७,००० श्वान)(वार्षिक खर्च १.०८ कोटी रुपये)
अहिंसा मालाड ( ३४०० श्वान)(वार्षिक खर्च ५२.७० लाख रुपये)
उत्कर्ष ग्लोबल फाऊंडेशन, मुलुंड ( ९१८० श्वान)(वार्षिक खर्च १.६० कोटी रुपये)
मुंबई पशुवैद्यकीय महाविद्यालय, परळ ( ५४० श्वान)(वार्षिक खर्च ०८.९१ लाख रुपये)
युथ ऑर्गनायझेशन इन डिफेंन्स ऑफ एनिमल ( ३७८० श्वान)(वार्षिक खर्च ६६. १५ लाख रुपये)
वेटरनली थेरपेटिक्स एंडोसर्जरी अँड मेडिसिन सोसायटी,मुलुंड ( ६४८० श्वान)(वार्षिक खर्च १ कोटी रुपये)
युनिव्हर्सल ऍनिमल वेल्फेअर सोसायटी , मालाड ( ५,१०० श्वान)(वार्षिक खर्च १.७८ कोटी रुपये)