मुंबई : मुंबईत सोमवार, २७ एप्रिल रोजी पहाटे मरीन ड्राईव्ह परिसरात भीषण अपघात घडला असून यात तिघांचा मृत्यू झाला आहे. या दुर्घटनेमुळे संपूर्ण शहर हादरले आहे.
मिळालेल्या माहितीनुसार, गिरगाव परिसरातील एक ज्येष्ठ नागरिक पहाटे साधारण पावणेसहा वाजता मॉर्निंग वॉकसाठी मरीन ड्राईव्हवर आले होते. त्याच वेळी वेगाने येणाऱ्या दोन बाईकस्वारांनी त्यांना जोरदार धडक दिली. या धडकेत वृद्ध व्यक्ती, एक तरुण आणि एक तरुणी अशा तिघांचा दुर्दैवी मृत्यू झाला.
दरम्यान, या अपघातामुळे परिसरात हळहळ व्यक्त केली जात आहे. याच दरम्यान, रविवारी रात्री मुंबई-गोवा महामार्गावरील भोस्ते घाटात ब्रेक फेल झालेल्या टेम्पो ट्रॅव्हलरचा अपघात झाला होता. सुदैवाने या घटनेत कोणतीही जीवितहानी झाली नाही, मात्र वाहनांचे मोठे नुकसान झाले.