- स्थापत्य शहर समितीच्या बैठकीत प्रस्तावाला मंजुरी
मुंबई (विशेष प्रतिनिधी)
मुंबई महापालिकेतील कार्यकारी अभियंता पदाची अनेक पदे रिक्त असून सध्या केवळ ४ कार्यकारी अभियंतेचे कायम पदावर आहेत. त्यामुळे या रिक्त जागा भरण्याची मागणी मागील अनेक महिन्यांपासूनची असून अखेर ही पदे आता पदोन्नतीने भरण्यात येत आहे. मुंबई महापालिकेतील १६५ सहायक अभियंत्यांना कार्यकारी अभियंतापदी बढती देण्यात येत असून या प्रस्तावाला महापालिकेच्या स्थापत्य शहर समितीच्यावतीने मंजुरी देण्यात आली आहे.
या सर्व अभियंत्यांना लोकसभा निवडणू आचारसंहितेपूर्वी पदोन्नती मिळणे आवश्यक होते, परंतु लोकसभा आचारसंहिता संपुष्टात आल्यानंतर विधानसभा निवडणूक आचारसंहिता लागून संपुष्टात आल्यानंतरही पात्र अभियंत्यांना कोणत्याही प्रकारचा पदोन्नतीचा लाभ देण्यासाठी कोणत्याही प्रकारची कार्यवाही न केल्यामुळे ते यापासून वंचित राहिले होते.