इराणचे परराष्ट्रमंत्री अब्बास अराघची रशियाच्या दौऱ्यावर मॉस्को येथे पोहोचले आहेत. त्यांच्या या दौऱ्यादरम्यान रशियाकडून मोठे वक्तव्य समोर आले आहे. रशियाने म्हटले आहे की, इराणला लष्करी शक्तीची भीती दाखवून धमकावता येणार नाही.
व्हिएन्ना येथील एका आंतरराष्ट्रीय संघटनेत रशियाचे प्रतिनिधी मिखाईल उल्यानोव्ह यांनी सोशल मीडिया मंच एक्सवर पोस्ट करत म्हटले की, लष्करी तैनातीची धमकी आणि निर्बंध अधिक कठोर करण्याची भाषा ही ब्लॅकमेलिंग आहे, मात्र इराणवर ही चाल यशस्वी होणार नाही. त्यांनी पुढे सांगितले की, अमेरिकेने करारासाठी आपला भूमिकेत नरमाई आणली पाहिजे.
अराघची यांनी असेही सांगितले की, अमेरिकेच्या भूमिकेमुळे इस्लामाबादमध्ये प्रस्तावित चर्चा लांबली. त्यांनी म्हटले की, “मागील चर्चेत प्रगती झाली होती, मात्र ती आपल्या उद्दिष्टांपर्यंत पोहोचू शकली नाही. यासाठी अमेरिकेच्या अतिप्रमाणातील मागण्या कारणीभूत ठरल्या.”
उल्लेखनीय म्हणजे, इराण आणि अमेरिका यांच्यात करारासाठी पडद्यामागून चर्चा सुरू आहे. रशिया दौऱ्यापूर्वी अब्बास अराघची यांनी पाकिस्तान आणि ओमानचा दौरा केला होता.