पुणे : भीती दाखवत एखाद्याकडून खंडणी वसुली केली जाते आणि पोलीस आरोपीचा शोध घेत बेड्या ठोकतात, पण जर पोलीसच खंडणी वसुली करणारे निघाले तर? पुण्यातुन असाच एक प्रकार समोर आला असून पोलीस चोर झाले आहेत.
नेमकं घडलं काय?
पुण्यातील एका प्राचार्यांना या पोलिसांनी अटकेची भीती दाखवत त्यांच्याकडून तब्बल ७ लाख रुपये उकळले होते. प्राचार्यांनी पोलीस उपनिरीक्षक अजित बडे, दामिनी मार्शल, सोनाली हिंगे, आणि कर्मचारी सुदाम तायडे या तिघांवर आरोप केला आहे. या तिघांनी मिळून संबंधित प्राचार्यांना गुन्ह्यात अडकवण्याची आणि अटक करण्याची भीती दाखवली आणि त्यांच्याकडून ७ लाख रुपये बळावले.
पोलिसांनाच झाली अटक
आता या पोलीस कर्मचाऱ्यांवर गुन्हा दाखल करण्यात आला असून पोलिसांनीच कडक कारवाईचे आदेश दिले आहेत. शिवाजीनगर सायबर पोलीस ठाण्यात कार्यरत असणारे हे पोलीस असून त्यांना तातडीने बडतर्फ करण्यात आले आहे.
पोलीस अधिकाऱ्यांचे निलंबन
पुण्यात पोलिसांना लाच खाताना रंगेहाथ पकडले असून लाचखोर प्रकरणात दोघांवर कारवाई करण्यात आली आहे. वैशाली तोटेवारांना १ मे रोजी पोलीस निरीक्षक, लोहमार्ग, मुंबई या पदावरून रुजू होण्यासाठी पदोन्नतीवर कार्यमुक्त करण्यात आलं होत. तोटेवार यांनी खासगी व्यक्तीच्या माध्यमातून एका हॉटेलच्या परिसरात २७ लाख रुपयांची लाच स्वीकारली होती. तसेच उपनिरीक्षक ८० हजारांची लाच स्वीकारताना पकडले गेले.