नाशिक : त्र्यंबकेश्वर मंदिरात (Trimbakeshwar Temple) व्हीआयपी दर्शनासाठी भाविकांची फसवणूक करून कशाप्रकारे लूट होते याचा धक्कादायक प्रकार समोर आला होता. यानंतर नाशिकरांकडून संताप व्यक्त करण्यात आला होता. (Illegal VIP visit) दरम्यान या प्रकरणात महत्त्वाची अपडेट सामोर आली आहे. या प्रकरणातील मुख्य एजंट असलेला वसंत मुतर्डक याच्या बँक खात्याची तपासणी केली असता त्याच्या खात्यातून लाखो रुपयांचे संशयास्पद व्यवहार झाल्याचे निष्पन्न झाले आहे. विशेष म्हणजे वसंत बेरोजगार आहे. तो ना कुठली नोकरी करतो ना व्यवसाय. मग लाखो रुपये त्याच्या बँक खात्यात आले कसे असा प्रश्न उपस्थित होत आहे. (Nashik Crime News )
नेमके प्रकरण काय ?
त्र्यंबकेश्वर (Trimbakeshwar Temple) येथे दर्शनासाठी रांगेत उभे असताना, फिर्यादी आणि त्यांच्या मित्रांना संशयित गोटीराम पेहरे याने गाठले. दर्शन रांगेत उभे राहून दर्शनासाठी ४-५ तास लागतील असे सांगून, तीन हजार रुपयांत दर्शवून घडवून देतो असे सांगितले.(Illegal VIP visit) धकाकदायक म्हणजे मंदिर देवस्थान ट्रस्टची कोणतीही अधिकृत पावती त्यांना आली नाही. अशाप्रकारे इतरही भाविकांची फसवणूक झाल्याचे समोर आले आणि या टोळीने भाविकांच्या श्रद्धेचा कसा बाजार मांडला हे सत्य देखील समोर आले आहे. (Nashik Crime News )
दरम्यान, संशयित एजंट वसंत मुतर्डक हा कोणताही व्यवसाय किंवा नोकरी करत नाही. मात्र, त्याच्या गेल्या एका वर्षाच्या बँक स्टेटमेंटची पाहणी केली असता, त्यात ऑनलाइन आणि रोख स्वरूपात तब्बल २५ लाख २७हजार ५२० रुपयांची रक्कम जमा झाल्याचे समोर आले आहे. हा पैसा कुठून आला आणि या रॅकेटचे धागेदोरे कोणापर्यंत पोहोचले आहेत, याचा तपास आता एसआयटी (SIT) करत आहेत. मुतर्डक विरुद्ध यापूर्वीही अशाच स्वरुपाचा गुन्हा दाखल आहे. गुजरात राज्यातील सुरत येथील भाविक चिराग दालिया यांचीही अशाच पद्धतीने फसवणूक केल्याप्रकरणी त्याच्यावर गुन्हा नोंद असून त्याचे दोषारोपपत्र न्यायालयात दाखल आहे. (Nashik Crime News )
वसंत मुतर्डकला सात दिवसांची पोलीस कोठडी
अतिरिक्त मुख्य न्यायदंडाधिकारी एस. व्ही. लाड यांच्या न्यायालयात या प्रकरणाची सुनावणी झाली. पोलिसांनी सादर केलेला तपास अहवाल आणि बँक खात्यातील संशयास्पद व्यवहार पाहता, न्यायालयाने संशयित वसंत मुतर्डक याला सात दिवसांची पोलीस कोठडी (Police custody) सुनावली आहे, तर इतर संशयितांना कोठडी मध्ये पाठवण्यात आले.