मुंबई : मध्य रेल्वेच्या मुंबई प्रवासी आरक्षण प्रणाली (PRS) मध्ये PNR फाईल कॉम्प्रेशनच्या तांत्रिक देखभाल कामासाठी तात्पुरता शटडाऊन करण्यात येणार आहे. ही प्रणाली ९ मे २०२६ रोजी रात्री ११.४५ वाजल्यापासून ते १० मे २०२६ रोजी पहाटे १.१५ वाजेपर्यंत बंद राहणार आहे.
रेल्वे प्रशासनाने स्पष्ट केले आहे की या काळात इंटरनेट बुकिंगद्वारे रेल्वे तिकीट आरक्षणही उपलब्ध राहणार नाही. त्यामुळे प्रवाशांना या वेळेत तिकीट बुकिंग किंवा बदल करता येणार नाही. दरम्यान, या बंद कालावधीत कोणत्याही प्रवाशाचा रिफंड थांबणार नाही. प्रचलित नियमांनुसार टीडीआर (TDR) प्रणालीद्वारे रिफंड प्रक्रिया सुरू राहणार असल्याचे प्रशासनाने सांगितले आहे.