या संपूर्ण क्रेझवर प्रतिक्रिया देताना रोहित शर्मा मजेशीर अंदाजात म्हणतो, “दोन ओळी काय बोललो, तर इतकं व्हायरल झालं… आता माझा पूर्ण शो आला तर काय होईल?” रोहितचा हा संवाद चाहत्यांना विशेष भावला असून टीझरला मोठा प्रतिसाद मिळत आहे.
हास्य, करिष्मा आणि मनोरंजनाचा तडका असलेला हा टीझर पाहून रोहित शर्मा केवळ क्रिकेट मैदानावरच नव्हे, तर मनोरंजन विश्वातही धमाल उडवणार असल्याचे संकेत मिळत आहेत. आपल्या खास विनोदबुद्धी आणि सहज व्यक्तिमत्त्वामुळे तो छोट्या पडद्यावरही प्रेक्षकांची मनं जिंकणार, अशी चर्चा रंगली आहे. हा आगामी एंटरटेनमेंट शो Sony Entertainment Television आणि SonyLIV वर प्रदर्शित होणार असून लवकरच याबाबत अधिकृत माहिती जाहीर केली जाणार आहे. सध्या मात्र रोहित शर्माच्या या नव्या इनिंगची चाहत्यांमध्ये जोरदार चर्चा सुरू आहे.