CSMT : छत्रपती शिवाजी महाराज टर्मिनस येथील प्लॅटफॉर्म क्रमांक १६ आणि १७ वरील ब्लॉकला मुदतवाढ
May 22, 2026 09:46 PM
मुंबई : मुंबईतील छत्रपती शिवाजी महाराज टर्मिनस (CSMT) येथील प्लॅटफॉर्म क्रमांक १६ आणि १७ च्या पुनर्विकास आणि विस्तारीकरणाच्या कामासाठी मध्य रेल्वे प्रशासनाने विशेष ट्रॅफिक आणि पॉवर ब्लॉकला मुदतवाढ दिली आहे. या पुनर्विकास प्रकल्पांतर्गत ब्लॉक कालावधीत प्लॅटफॉर्म क्रमांक १६ व १७ वर पायाभूत कामे तसेच इतर आवश्यक कामे करण्यात येणार आहेत. त्यानुसार, २९ मे पासून सुरू होणाऱ्या अप मेल/एक्सप्रेस गाड्या १० दिवसांच्या कालावधीसाठी शॉर्ट टर्मिनेट करण्यात येतील. सीएसएमटी स्थानकाच्या पुनर्विकास प्रकल्पांतर्गत पायाभूत सुविधांचा विकास आणि आधुनिकीकरणासाठी हे ब्लॉक अत्यंत आवश्यक आहेत. यामुळे प्रवाशांना होणाऱ्या गैरसोयीबद्दल रेल्वे प्रशासनातर्फे दिलगिरी व्यक्त करण्यात येत असून, प्रवाशांनी सहकार्य करावे आणि त्यानुसार आपल्या प्रवासाचे नियोजन करावे, असे आवाहन करण्यात येत आहे.
दादर येथे शॉर्ट टर्मिनेट:
गाडी क्रमांक १२११२ अमरावती – छत्रपती शिवाजी महाराज टर्मिनस एक्सप्रेस
गाडी क्रमांक ११००२ बल्लारशाह – छत्रपती शिवाजी महाराज टर्मिनस नंदीग्राम एक्सप्रेस
गाडी क्रमांक १२८१० हावडा – छत्रपती शिवाजी महाराज टर्मिनस एक्सप्रेस
गाडी क्रमांक ११०२० भुवनेश्वर – छत्रपती शिवाजी महाराज टर्मिनस कोणार्क एक्सप्रेस
गाडी क्रमांक २२१४४ बिदर – छत्रपती शिवाजी महाराज टर्मिनस एक्सप्रेस
गाडी क्रमांक २२१०८ लातूर – छत्रपती शिवाजी महाराज टर्मिनस एक्सप्रेस
गाडी क्रमांक २२१२० मडगाव – छत्रपती शिवाजी महाराज टर्मिनस तेजस एक्सप्रेस
ठाणे येथे शॉर्ट टर्मिनेट:
गाडी क्रमांक १२१३४ मंगळुरू – छत्रपती शिवाजी महाराज टर्मिनस एक्सप्रेस