IPL 2026 SRH vs RCB : गुणतालिकेत अव्वल स्थान पटकावत आरसीबीचा क्वालिफायर १ मध्ये प्रवेश
May 23, 2026 02:37 PM
RCB
हैदराबाद : आयपीएल २०२६ हंगामात अव्वल दोन स्थानांवर पोहोचण्यासाठी सनरायझर्स हैदराबादला रॉयल चॅलेंजर्स बंगळूरविरुद्ध मोठ्या विजयाची गरज होती. प्रथम फलंदाजी करताना हैदराबादने २५५ धावांचा डोंगर उभा केला, पण त्यांचे गोलंदाज आरसीबीला १६६ धावांवर रोखण्यात अपयशी ठरले. यामुळे हैदराबादच्या अव्वल दोन स्थानांवर पोहोचण्याच्या आशा संपुष्टात आल्या आणि आरसीबी व गुजरात टायटन्स यांच्याप्रमाणे १८ गुणांवर समान गुण असूनही संघाला तिसऱ्या स्थानावर समाधान मानावे लागले. अभिषेक शर्मा (५६), इशान किशन (७९) आणि हेनरिक क्लासेन (५१) यांनी हैदराबादसाठी शानदार खेळी केली, पण ते संघाला अव्वल दोन स्थानांवर नेऊ शकले नाहीत. यामुळे क्वालिफायर १ मधून बाहेर पडावे लागले. आरसीबी अव्वल स्थानी राहिली आणि २६ मे रोजी धरमशाला येथे क्वालिफायर १ मध्ये गुजरातचा सामना करणार आहे. (IPL 2026 SRH vs RCB)