उत्तर प्रदेश : उत्तर प्रदेश (Uttar Pradesh) मधील आग्रा-लखनऊ एक्सप्रेसवेवर आज म्हणजेच मंगळवार २६ मे रोजी पहाटे भीषण अपघात झाला. उन्नाव (Unnao) जिल्ह्यातील औरास परिसरात दिल्लीहून बिहारकडे जाणारी वेगवान स्लीपर बस अचानक नियंत्रणाबाहेर जाऊन डिव्हायडरला धडकली आणि पलटी झाली. या भीषण दुर्घटनेत बिहारमधील एका पोलिस अधिकाऱ्यासह कैद्याचा आणि इतर प्रवाशांचा मिळून एकूण ६ जणांचा मृत्यू झाला असून ३२ जण गंभीर जखमी झाले आहेत. (Uttar Pradesh Road Accident)
चालकाला डुलकी लागल्याचा प्राथमिक अंदाज :
मृतांमध्ये पोलिस अधिकारी आणि कैद्याचा समावेश :
या अपघातात बिहारचे पोलिस अधिकारी रामचंद्र आणि कैदी छत्रपाल यांचाही मृत्यू झाला आहे. पोलिस अधिकारी रामचंद्र हे कैदी छत्रपालला चौकशीसाठी दिल्लीला घेऊन गेले होते आणि जबाब नोंदवल्यानंतर त्याला पुन्हा बिहारला घेऊन जात असताना हा भीषण अपघात घडला. (Uttar Pradesh Road Accident)
घटनास्थळी बचावकार्याची धावपळ :
वाहतूक काही काळ विस्कळीत :
अपघातानंतर आग्रा-लखनऊ एक्सप्रेसवेवरील वाहतूक काही काळ ठप्प झाली होती. यूपीडा आणि पोलिसांच्या पथकाने क्रेनच्या सहाय्याने अपघातग्रस्त बस हटवून वाहतूक पुन्हा सुरळीत केली. (Uttar Pradesh Road Accident)
दरम्यान, अतिरिक्त पोलिस अधीक्षक शैलेन्द्र लाल आणि इतर वरिष्ठ अधिकाऱ्यांनी घटनास्थळी भेट देत परिस्थितीचा आढावा घेतला. या घटनेनंतर पुन्हा एकदा लांब पल्ल्याच्या बस चालकांच्या कामाच्या तासांवर आणि सुरक्षेच्या उपाययोजनांवर प्रश्नचिन्ह उपस्थित झाले आहे. (Uttar Pradesh Road Accident)