जपान :
१८ वर्षांखालील आशिया कप हॉकी स्पर्धेत यजमान जपानने भारताचा ४-२ असा पराभव करत महत्त्वाचे तीन गुण मिळवले. पूल ‘अ’ मधील या सामन्यात भारताने जोरदार पुनरागमन करत बरोबरी साधली होती, मात्र जपानने नंतर सलग दोन गोल करत विजय निश्चित केला. सामन्याच्या १५व्या मिनिटाला जपानचा कर्णधार योशिओका माहिरो याने गोल करत संघाला आघाडी मिळवून दिली.
भारताकडून २५व्या मिनिटाला आशिष तानी पुर्ती याने पेनल्टी कॉर्नरचे गोलमध्ये रूपांतर करत फरक कमी केला. दुसऱ्या सत्रानंतर भारताने आक्रमक खेळ करत ३२व्या मिनिटाला कर्णधार केतन कुशवाहा याच्या गोलमुळे सामना २-२ असा बरोबरीत आणला. मात्र जपानने लगेचच पुनरागमन केले. ३४व्या मिनिटाला यासुई केंगो आणि ४२व्या मिनिटाला ताकाहाशी आओने यांनी गोल करत जपानला ४-२ अशी निर्णायक आघाडी मिळवून दिली.
या पराभवानंतर भारताचे स्पर्धेतील आव्हान कायम असले तरी संघाला पुढील सामन्यात विजय मिळवणे महत्त्वाचे ठरणार आहे.