बिहार : बिहारमधील (Bihar) बेगुसराय (Begusarai) येथे कार (Car) आणि ट्रक (Truck) यांच्यात झालेल्या भीषण अपघातात (Road Accident) तीन वरिष्ठ पोलीस अधिकारी (Police Officers) आणि एका खासगी चालकाचा मृत्यू झाला. राष्ट्रीय महामार्ग NH-31 वर झालेल्या या दुर्घटनेमुळे पोलीस दलात शोककळा पसरली आहे.
मिळालेल्या माहितीनुसार, साहेबपूर कमाल पोलीस ठाण्याच्या हद्दीतील बख्दा परिसरात हा अपघात घडला. पाटणा (Patna) येथे एकदिवसीय प्रशिक्षण (Training Program) पूर्ण करून मधेपुरा (Madhepura) जिल्ह्याकडे परतत असताना भरधाव वेगातील कार अनियंत्रित झाली आणि समोरून जाणाऱ्या ट्रकला जोरदार धडकली. या भीषण अपघातात रतवारा पोलीस ठाण्याचे प्रभारी साजन पासवान, बेल्लारी पोलीस ठाण्याचे प्रभारी नीरज कुमार, अरार पोलीस ठाण्याचे प्रभारी ज्ञानेंद्र अमरेंद्र आणि खासगी चालक ज्योतीश कुमार यांचा मृत्यू झाला.
अपघात इतका गंभीर होता की ज्ञानेंद्र अमरेंद्र, नीरज कुमार आणि चालक ज्योतीश कुमार यांचा घटनास्थळीच मृत्यू झाला. गंभीर जखमी झालेल्या साजन पासवान यांना स्थानिकांच्या मदतीने रुग्णालयात (Hospital) दाखल करण्यात आले. मात्र उपचारादरम्यान त्यांचा मृत्यू झाला.
घटनेची माहिती मिळताच बेगुसरायचे एसपी (SP) मनीष कुमार, डीएसपी (DSP) आनंद पांडे आणि अन्य वरिष्ठ पोलीस अधिकारी तातडीने घटनास्थळी पोहोचले. त्यांनी अपघातस्थळाची पाहणी करून तपास (Investigation) सुरू केला. दरम्यान, मृतदेह शवविच्छेदनासाठी (Postmortem) सरकारी रुग्णालयात पाठवण्यात आले आहेत.