मुंबई : भायखळा पश्चिम येथील दगडी चाळ परिसरात शुक्रवारी रात्री धोकादायक घोषित करण्यात आलेल्या इमारतीच्या पाडकामादरम्यान भिंतीचा काही भाग अचानक कोसळल्याने (Wall Collapses) परिसरात काही काळ भीतीचे वातावरण निर्माण झाले. मात्र सुदैवाने या घटनेत कोणतीही जीवितहानी किंवा दुखापत झाली नसल्याची माहिती प्रशासनाकडून देण्यात आली आहे.
महापालिकेच्या अग्निशमन दलाकडून रात्री ९.३६ वाजता सुंदर गल्ली, हंस रोड, दगडी चाळजवळील जी+२ मजली रिक्त इमारतीत दुर्घटना घडल्याची माहिती मिळाली. सुरुवातीच्या माहितीनुसार,
">इमारतीच्या दुसऱ्या मजल्याचा काही भाग पहिल्या मजल्यावर कोसळला होता. घटनेची माहिती मिळताच अग्निशमन दल आणि संबंधित विभागाचे अधिकारी घटनास्थळी दाखल झाले. (Wall Collapses)त्यानंतर वॉर्ड नियंत्रण कक्षाकडून मिळालेल्या अद्ययावत माहितीनुसार, संबंधित इमारत ही म्हाडाने (MHADA) 'सी-१' अर्थात अतिधोकादायक श्रेणीत वर्गीकृत केली होती. या इमारतीचे नियोजित पाडकाम सुरू असताना भिंतीचा काही भाग रस्त्याच्या दिशेने कोसळला. त्यामुळे परिसरातील नागरिकांमध्ये काही काळ घबराट पसरली. (Wall Collapses)
अधिकाऱ्यांनी दिलेल्या माहितीनुसार, इमारत रिक्त असल्याने कोणतीही व्यक्ती आत अडकली नव्हती. तसेच भिंत कोसळली त्या वेळी रस्त्यावरही मोठी वर्दळ नसल्याने संभाव्य मोठी दुर्घटना टळली. घटनास्थळी उपस्थित कर्मचाऱ्यांनी तत्काळ परिसर सुरक्षित करून नागरिकांना दूर ठेवण्याचे काम केले. (Wall Collapses)
घटनेनंतर पाडकामाचे काम तातडीने थांबवण्यात आले असून ठेकेदाराला अतिरिक्त सुरक्षा उपाययोजना करण्याच्या सूचना देण्यात आल्या आहेत. परिसरात संरक्षक बॅरिकेड्स उभारणे, पाडकामासाठी वापरण्यात येणाऱ्या यंत्रसामग्रीची तपासणी करणे आणि नागरिकांच्या सुरक्षेसाठी आवश्यक ती खबरदारी घेण्याचे निर्देश प्रशासनाने दिले आहेत. (Wall Collapses)
मुंबईत जुन्या आणि जीर्ण इमारतींची संख्या मोठी असून पावसाळ्याच्या पार्श्वभूमीवर अशा इमारतींचा प्रश्न पुन्हा ऐरणीवर आला आहे. दरवर्षी धोकादायक इमारतींच्या पाडकामाची मोहीम राबवली जात असली तरी अशा कामांदरम्यान सुरक्षा नियमांचे काटेकोर पालन करणे अत्यंत आवश्यक असल्याचे तज्ज्ञांचे मत आहे. (Wall Collapses)
दरम्यान, या घटनेत कोणतीही दुखापत किंवा जीवितहानी झाली नसल्याची अधिकृत पुष्टी करण्यात आली असून पुढील पाडकाम सुरू करण्यापूर्वी सुरक्षा व्यवस्थेचा आढावा घेतला जाणार आहे. त्यामुळे मोठी दुर्घटना टळल्याने स्थानिक नागरिकांनी सुटकेचा निःश्वास सोडला आहे. (Wall Collapses)