चित्रपटाच्या प्रदर्शनापूर्वीच त्याची मोठ्या प्रमाणात चर्चा होती. रिलीज झाल्यानंतर तरुण प्रेक्षकांकडून चित्रपटाला सकारात्मक प्रतिसाद मिळत असल्याचे चित्र दिसत आहे. प्रेम, मैत्री आणि भावनिक नातेसंबंध यांची कथा असलेल्या या चित्रपटाने पहिल्या दिवसापासूनच चांगली कमाई करण्यास सुरुवात केली. (Cocktail 2 Box Office Collection)
कॉकटेलची पहिल्या दिवशी कमाई
उपलब्ध आकडेवारीनुसार, 'कॉकटेल 2'ने पहिल्या दिवशी 13.50 कोटी रुपयांची नेट कमाई केली होती. दुसऱ्या दिवशी या कमाईत वाढ होत चित्रपटाने 16.25 कोटी रुपयांची कमाई केली. त्यामुळे दोन दिवसांची एकूण नेट कमाई 29.75 कोटी रुपयांवर पोहोचली आहे. (Rashmika Mandanna Movie)
कॉकटेलची दुसऱ्या दिवशी कमाई
देशांतर्गत कमाईसोबतच परदेशातही चित्रपटाला चांगला प्रतिसाद मिळत आहे. दुसऱ्या दिवशी परदेशातून सुमारे 8 कोटी रुपयांची भर पडली. त्यामुळे जागतिक स्तरावरील एकूण ग्रॉस कलेक्शन 50.95 कोटी रुपयांपर्यंत पोहोचले आहे.
या चित्रपटाने अलीकडे प्रदर्शित झालेल्या अनेक हिंदी चित्रपटांच्या कमाईलाही मागे टाकल्याचे सांगितले जात आहे. वीकेंडमध्ये चित्रपटाच्या कमाईत आणखी वाढ होण्याची शक्यता व्यक्त केली जात आहे.
'कॉकटेल 2'चे दिग्दर्शन होमी अदजानिया यांनी केले असून चित्रपटातील गाणीही प्रेक्षकांच्या पसंतीस उतरली आहेत. विशेषतः 'बंधू 2.0' या गाण्याला सोशल मीडियावर मोठा प्रतिसाद मिळत आहे. 2012 मध्ये आलेल्या लोकप्रिय 'कॉकटेल' चित्रपटाचा हा पुढील भाग असून नव्या कलाकारांसह ही कथा प्रेक्षकांसमोर सादर करण्यात आली आहे.