वॉशिंग्टन : यूएस ओपन सुपर ३०० बॅडमिंटन स्पर्धेत अनुभवी लक्ष्य सेन आणि उदयोन्मुख खेळाडू तन्वी शर्मा भारताचे नेतृत्व करतील. पुरुष गटात किदाम्बी श्रीकांतसह इतर अनेक भारतीय बॅडमिंटनपटू एकेरी स्पर्धेत आपले नशीब आजमावतील. महिला एकेरी स्पर्धेत एकूण सात भारतीय बॅडमिंटनपटू सहभागी होतील. (US Open Badminton Tournament 2026)
लक्ष्य सेनला या स्पर्धेत दुसरे मानांकन असून पहिल्या फेरीत त्याचा सामना बेल्जियमच्या ज्युलियन कॅरेगीशी होईल. या महिन्याच्या सुरुवातीला इंडोनेशिया ओपनमध्ये पहिल्याच फेरीत बाहेर पडल्यानंतर, लक्ष्य पुनरागमन करण्यासाठी कोणतीही कसर सोडणार नाही. श्रीकांत पुरुष एकेरीतील आपला पहिला सामना चायनीज तैपेईच्या लियाओ झुओ-फू विरुद्ध खेळेल. (US Open Badminton Tournament 2026)
आणखी एक भारतीय बॅडमिंटनपटू सनिथ दयानंद, जपानच्या चौथ्या मानांकित युदाई ओकिमोतो विरुद्ध आपल्या मोहिमेला सुरुवात करेल. एस. शंकर मुथुसामी सुब्रमण्यन यांनीही मुख्य ड्रॉमध्ये आपले स्थान निश्चित केले असून त्यांचा सामना एका पात्रताफेरीतून आलेल्या बॅडमिंटनपटूशी होईल. महिला एकेरीमध्ये, पाचवी मानांकित तन्वी शर्मा आणि सहावी मानांकित देविका सिहाग सर्वोत्तम कामगिरी करण्याच्या प्रयत्नात असतील. त्या अनुक्रमे जागतिक क्रमवारीत ३२ व्या आणि ३४ व्या स्थानावर आहेत. १७ वर्षीय तन्वी जर्मनीच्या इव्हॉन ली विरुद्ध आपला पहिला सामना खेळेल, तर देविकाचा सामना पेरूच्या इनेस लुसिया कॅस्टिलो सालाझारशी होईल. (US Open Badminton Tournament 2026)
महिला दुहेरीमध्ये त्रिशा जॉली आणि गायत्री गोपीचंद भारताचे प्रतिनिधित्व करतील. त्यांचा पहिला सामना स्पेनच्या पॉला लोपेझ आणि लुसिया रॉड्रिग्ज यांच्याविरुद्ध होईल. पुरुष दुहेरीच्या ड्रॉमध्ये कोणत्याही भारतीय जोडीचा समावेश नाही. मिश्र दुहेरीमध्ये, सातवे मानांकित ध्रुव रावत आणि मनीषा के यांचा पहिला सामना इंडोनेशियाच्या विरावन इहसान आदम आणि सेरेना कानी यांच्याविरुद्ध होईल. (US Open Badminton Tournament 2026)