इंग्लंड : ब्राझील विरुद्ध स्कॉटलंड (Brazil vs Scotland) सामन्यात तब्बल ९८१ दिवसांनंतर स्टार फुटबॉलपटू नेमार (Neymar) याने ब्राझीलच्या प्रतिष्ठित क्रमांक १० जर्सीत मैदानावर पुनरागमन केले. इंग्लंडमध्ये सुरू असलेल्या फिफा विश्वचषक २०२६ (FIFA World Cup 2026) स्पर्धेतील ग्रुप-C च्या अखेरच्या सामन्यात प्रशिक्षक कार्लो अँचेलोटी (Carlo Ancelotti) यांनी ७६व्या मिनिटाला नेमारला मैदानात उतरवताच स्टेडियममधील ६४ हजारांहून अधिक प्रेक्षकांनी जल्लोष केला.
Neymar sendo ovacionado por todo o estádio na sua entrada.
Ídolo! ❤️🇧🇷 pic.twitter.com/FKUk4uk9jD
— njdeprê - marlon (@njdmarlon) June 25, 2026
९८१ दिवसांनंतर ब्राझीलसाठी पुनरागमन
३४ वर्षीय नेमारने ब्राझीलकडून शेवटचा सामना १७ ऑक्टोबर २०२३ रोजी उरुग्वेविरुद्ध खेळला होता. त्या सामन्यात त्याला एसीएल (ACL) आणि मेनिस्कस (Meniscus) दुखापत झाली होती. त्यानंतर त्याने आपल्या बालपणीच्या क्लब सॅंटोस (Santos) कडून पुनरागमन केले. आता प्रशिक्षक अँचेलोटी यांनी सुरुवातीचे दोन ग्रुप सामने खेळवले नाहीत, मात्र स्कॉटलंडविरुद्ध त्याला संधी देत बाद फेरीत त्याच्यावर विश्वास असल्याचे संकेत दिले.
अँचेलोटींचा मोठा निर्णय
६७ वर्षीय कार्लो अँचेलोटी यांनी सामन्यापूर्वीच नेमारला खेळवण्याचे संकेत दिले होते. ब्राझीलने ३-० अशी आघाडी घेतल्यानंतर ७६व्या मिनिटाला मॅथ्यूस कुन्हा (Matheus Cunha) याच्या जागी नेमार मैदानात उतरला. कुन्हाने ६०व्या मिनिटाला ब्राझीलसाठी तिसरा गोल केला होता.
सलग चौथ्या विश्वचषकात नोंद
या सामन्यासह नेमारने आणखी एक मोठा विक्रम आपल्या नावावर केला. तो सलग चार फिफा (FIFA) विश्वचषक (World Cup) स्पर्धांमध्ये खेळणाऱ्या मोजक्या दिग्गज फुटबॉलपटूंमध्ये सामील झाला. ब्राझीलसाठी १२९ सामन्यांत ७९ गोल करणाऱ्या नेमारच्या पुनरागमनाने चाहत्यांमध्ये प्रचंड उत्साहाचे वातावरण निर्माण झाले.
सामन्यानंतर भावुक झाला नेमार
सामना संपल्यानंतर नेमार आपल्या भावना लपवू शकला नाही. कॅमेऱ्यांमध्ये त्याच्या डोळ्यांत आनंदाश्रू दिसून आले. त्यानंतर तो आपल्या जोडीदार आणि मुली मावी (Mavie) व मेल (Mel) यांना भेटला. दोन्ही मुलींना वारंवार मिठी मारत आणि त्यांच्यासोबत खेळताना त्याचा व्हिडीओ सोशल मीडिया (Social Media) वर मोठ्या प्रमाणात व्हायरल (Viral) झाला आहे. नेमारचे पूर्ण तंदुरुस्त होऊन मैदानात पुनरागमन झाल्याने ब्राझीलच्या चाहत्यांमध्ये नव्या आशा निर्माण झाल्या आहे.
The first thing Neymar Jr. does after his World Cup win is hug his little baby girl in the stadium stands.
We need more of this.
Every child is a blessing. pic.twitter.com/IjgfP0JS9F
— Anna Lulis (@annamlulis) June 26, 2026