लंडन : भारताच्या पुरुष हॉकी संघाने FIH प्रो हॉकी लीगमध्ये कट्टर प्रतिस्पर्धी पाकिस्तानचा पुन्हा एकदा धुव्वा उडवत ७-१ अशा मोठ्या फरकाने विजय मिळवला. काही दिवसांपूर्वी २३ जून रोजी झालेल्या सामन्यात भारताने पाकिस्तानवर ४-३ अशी मात केली होती. मात्र या वेळी भारतीय संघाने दुसऱ्या सत्रापासून पूर्ण वर्चस्व गाजवत पाकिस्तानला एकतर्फी पराभवाची चव चाखायला लावली. (India vs Pakistan FIH Hockey Pro League)
सामन्याची सुरुवात मात्र पाकिस्तानच्या बाजूने झाली. १३व्या मिनिटाला मोहम्मद अबूने गोल करत पाकिस्तानला १-० अशी आघाडी मिळवून दिली. पण त्यानंतर भारतीय खेळाडूंनी जोरदार पुनरागमन केले. २०व्या मिनिटाला सुखजीत सिंगने शानदार गोल करत भारताला १-१ अशी बरोबरी मिळवून दिली. या गोलानंतर भारतीय संघाचा आत्मविश्वास अधिकच वाढला. २६व्या मिनिटाला कर्णधार हरमनप्रीत सिंगने पेनल्टी कॉर्नरचे अचूक गोलमध्ये रूपांतर करत भारताला २-१ अशी आघाडी मिळवून दिली. दुसरे सत्र संपेपर्यंत भारताने ही आघाडी कायम राखली. (India vs Pakistan FIH Hockey Pro League)
तिसऱ्या सत्रात भारताने पाकिस्तानच्या बचावफळीचा अक्षरशः भेद केला. ३४व्या मिनिटाला हार्दिक सिंगने तिसरा गोल झळकावला, तर लगेचच ३५व्या मिनिटाला जुगराज सिंगने चौथा गोल करत भारताची आघाडी ४-१ अशी केली. त्यानंतर ४१व्या मिनिटाला अभिषेकने फील्ड गोल नोंदवला, तर ४५व्या मिनिटाला राज कुमार पालने पेनल्टी कॉर्नरवर अचूक फटका मारत भारताला ६-१ अशा भक्कम आघाडीवर पोहोचवले. (India vs Pakistan FIH Hockey Pro League)
अंतिम सत्रात पाकिस्तानचा संघ पूर्णपणे दबावाखाली दिसला. भारताने आक्रमणाची धार कायम ठेवत ५४व्या मिनिटाला दिलप्रीत सिंगच्या गोलमुळे सातवा गोल नोंदवला. अखेर भारताने ७-१ अशा दणदणीत विजयासह सामना जिंकत पाकिस्तानवर आपले वर्चस्व पुन्हा एकदा सिद्ध केले. या शानदार विजयामुळे भारतीय संघाचा आत्मविश्वास आणखी उंचावला असून FIH प्रो हॉकी लीगमधील त्यांची दमदार घोडदौड कायम राहिली आहे. (India vs Pakistan FIH Hockey Pro League)
𝐃𝐀𝐁𝐃𝐀𝐁𝐀 𝐓𝐇𝐀. 𝐇𝐀𝐈. 𝐀𝐔𝐑 𝐑𝐀𝐇𝐄𝐆𝐀. 🇮🇳⚔️🇵🇰
Goals off penalty corners, a penalty stroke & stunning field efforts, topped up by unforgettable celebrations — this FIH Hockey Pro League clash had everything that makes Indian hockey special. 🏑💙
The Men in Blue… pic.twitter.com/91prjfkpFL
— Hockey India (@TheHockeyIndia) June 26, 2026