मुंबई : भारतीय हवामान विभागाने (Indian Meteorological Department - IMD) मुंबईसह (Mumbai) बृहन्मुंबई (Brihanmumbai) क्षेत्रासाठी आज, रविवार (५ जुलै) अतिवृष्टीचा (Heavy Rain) रेड अलर्ट (Red Alert) जारी केला आहे. दिवसभर मुसळधार (Heavy Rain) ते अति मुसळधार (Extremely Heavy Rain) पावसाची शक्यता वर्तवण्यात आली असून नागरिकांनी विशेष सतर्कता (Alertness) बाळगण्याचे आवाहन करण्यात आले आहे.
या पार्श्वभूमीवर बृहन्मुंबई महानगरपालिका (Brihanmumbai Municipal Corporation - BMC) प्रशासनाने नागरिकांना अत्यावश्यक (Essential) काम असेल तरच घराबाहेर पडण्याचे आवाहन केले आहे. तसेच प्रशासनाकडून वेळोवेळी जारी करण्यात येणाऱ्या सूचना (Advisory) आणि इशाऱ्यांचे (Alerts) काटेकोरपणे पालन करण्याचेही सांगण्यात आले आहे.
दरम्यान, आज दुपारी ३.२२ वाजता ४.१९ मीटर उंचीची भरती (High Tide) येणार असल्याने समुद्रकिनारी (Seashore) किंवा सखल भागात (Low-Lying Areas) जाणे टाळण्याचा सल्ला देण्यात आला आहे. मुसळधार पावसामुळे रस्त्यांवर पाणी साचणे (Waterlogging), वाहतूक कोंडी (Traffic Congestion) आणि स्थानिक रेल्वे (Local Train) सेवांवर परिणाम होण्याची शक्यता नाकारता येत नाही.
कोणतीही आपत्कालीन (Emergency) परिस्थिती उद्भवल्यास नागरिकांनी बृहन्मुंबई महानगरपालिकेच्या १९१६ या मदतसेवा (Helpline) क्रमांकावर तात्काळ संपर्क साधावा, असे आवाहन महानगरपालिका प्रशासनाने केले आहे. मुंबईकरांनी अफवांवर विश्वास न ठेवता केवळ अधिकृत (Official) सूचना आणि हवामान विभागाच्या (IMD) अद्ययावत माहितीनुसारच पुढील नियोजन करावे, असेही प्रशासनाने स्पष्ट केले आहे.