हरियाणा : हरियाणाच्या हिसार जिल्ह्यातील हांसीमध्ये १० जून रोजी एका जिम ट्रेनरची गोळ्या झाडून हत्या करण्यात आली होती. या हत्येचा व्हिडिओ देखील समोर आला होता. सीसीटीव्ही फुटेजमध्ये, जिमसमोर वॉर्म-अप करत असलेल्या कपिलवर गोळीबार होताना दिसत होता. बाईकवरून आलेल्या संशयितांनी पाच सेकंदात १० गोळ्या झाडल्या. नंतर लॉरेन्स बिश्नोई गँगने या हल्ल्याची जबाबदारी स्वीकारली होता. आता, या घटनेच्या २४ दिवसांनंतर, दिल्ली पोलिसांच्या स्पेशल सेल आणि हरियाणा पोलिसांच्या स्पेशल टास्क फोर्सने (STF) या प्रकरणातील दोन आरोपींना चकमकीत ठार केले आहे. गुप्त माहितीच्या आधारे, पोलिसांनी बहादूरगडमध्ये दोन्ही आरोपींना घेरले, जिथे ते चकमकीत ठार झाले आणि उपचारादरम्यान त्यांचा मृत्यू झाला.(Lawrence Bishnoi Gang)
दोन्ही यंत्रणांनी बहादूरगडमध्ये संयुक्त कारवाई केली, जिथे प्रत्येकी २ लाख रुपयांचे बक्षीस असलेले लॉरेन्स बिश्नोई टोळीचे दोन गुन्हेगार चकमकीत ठार झाले. पोलिसांना मिळालेल्या माहितीनुसार, हिसारचे रहिवासी असलेले प्रवेश आणि हिमांशू हे शस्त्रसज्ज असून बहादूरगड परिसरात एक मोठा गुन्हा करण्याची योजना आखत असल्याची गुप्त माहिती मिळाली होती. या माहितीच्या आधारे, दिल्ली पोलिसांच्या काउंटर इंटेलिजन्स स्पेशल सेल आणि हरियाणा पोलिसांच्या स्पेशल टास्क फोर्सने (एसटीएफ) संयुक्त कारवाई केली.(Lawrence Bishnoi Gang)
पोलिसांनी जेव्हा दोन्ही गुन्हेगारांना थांबवण्याचा प्रयत्न केला, तेव्हा गुन्हेगारांनी गोळीबार केला. पोलिसांनीही प्रत्युत्तरादाखल गोळीबार केला. त्यानंतर झालेल्या चकमकीत, दोन्ही फरार गुन्हेगार जखमी झाले. एक पोलीस अधिकारीही जखमी झाला. तिघांनाही उपचारासाठी रुग्णालयात दाखल करण्यात आले. पोलिसांच्या माहितीनुसार, जखमी गुन्हेगारांची ओळख प्रवेश आणि हिमांशू अशी पटली असून, दोघेही हिसारचे रहिवासी आहेत.१० जून २०२६ रोजी हांसी येथे दिवसाढवळ्या झालेल्या जिम मालक कपिल यांच्या हत्येप्रकरणी दोन्ही आरोपी फरार होते. हत्येपासून दोघेही फरार होते आणि त्यांच्यावर प्रत्येकी १ लाख रुपयांचे बक्षीस जाहीर करण्यात आले होते. पोलीस सध्या संपूर्ण प्रकरणाचा तपास करत आहेत. ते दोघे बहादूरगडमध्ये कोणता गुन्हा करण्याची योजना आखत होते आणि त्यांच्याकडून कोणती शस्त्रे जप्त करण्यात आली, याचाही तपास सुरू आहे.(Lawrence Bishnoi Gang)