‘मुंबई Mumbai : कूपरच्या प्रसाधनगृहात अर्भकाचा मृतदेह’ या विषयाच्या अनुषंगाने विविध प्रसारमाध्यमांमध्ये बातम्या प्रसारित झाल्या आहेत. याबाबत बृहन्मुंबई महानगरपालिका प्रशासनाद्वारे पुढीलप्रमाणे स्पष्टीकरण करण्यात येत आहे.(Brihanmumbai Municipal Corporation)
डॉ. रुस्तम नरसी कूपर रुग्णालयात दिनांक १३ जुलै २०२६ रोजी सकाळी तळ मजल्यावरील महिला अपघात विभागातील स्वच्छतागृहात एका महिलेला बेवारस अर्भक निदर्शनास आले. संबंधित महिलेने याबाबतची माहिती कर्तव्यावरील कर्मचाऱयाला दिली. रुग्णालयाच्या कार्यपध्दतीनूसार (Medicolegal) बेवारस स्थितीत आढळलेल्या अर्भकाची वैद्यकीय अधिकाऱयांकडून तत्काळ तपासणी करण्यात आली. तपासणीअंती अर्भकाला मृत घोषित करण्यात आले. त्यानंतर शवविच्छेदनासाठी मृत अर्भक पोलिसांच्या ताब्यात देण्यात आले.
या घटनेबाबत रुग्णालय प्रशासनाकडून लेखी तक्रार ही जुहू पोलिस ठाणे येथे नोंदविण्यात आली आहे. स्थानिक पोलीस ठाण्यामार्फत या प्रकरणात अधिक तपास सुरु आहे.(Juhu Police Station)