माहिती सादर करण्याचे अध्यक्षांचे निर्देश
मुंबई : कोविड काळामध्ये मुंबई महापालिकेच्या वतीने अनेक ठिकाणी ऑक्सिजन प्लांट उभारण्यात आले होते. मात्र कोविड संपल्यानंतर या ऑक्सिजन प्लांटच्या यंत्रणा काढून टाकण्यात आल्या. मात्र या काढून टाकण्यात आलेल्या यंत्रणा कुठे ठेवण्यात आल्या? त्यांची आजची स्थिती काय ? आणि भविष्यात याची गरज निर्माण झाली तर महापालिका प्रशासन काय करणार आहे याबाबतची विचारणा करत ,याचा अहवाल स्थायी समिती पुढे ठेवण्यात यावा अशी मागणी स्थायी समितीत सदस्यांनी केली. या यावर स्थायी समिती अध्यक्ष प्रभाकर शिंदे यांनी याचा वस्तुस्थिती दर्शक अहवाल सादर करण्याचे निर्देश प्रशासनाला दिले.
मुंबई महापालिकेच्या केइएम रुग्णालयातील ३९ वेला व्हेंटिव्हेटर यांच्या देखभाल दुरुस्तीचा प्रस्ताव मंजुरीसाठी आला असता भाजपचे नगरसेवक तेजिंदर सिंग तिवाना यांनी हे ३९ पैकी किती व्हेंटिव्हेटर बंद पडत असतात. या ३९पैकी किती व्हेंटिव्हेटर कार्यान्वित आहेत. तसेच किती व्हेंटिलेटरची अजून गरज आहे... कितीचा तुटवडा आहे याची माहिती विचारली आहे. आता मागील कालावधीच्या कामासाठी चा पैसे देण्यासाठीचा प्रस्ताव असून पुढील कालावधीच्या देखभालीचे कंत्राट दिले जाणार आहे का? मग पुढील देखभालीचे कंत्राट दिले जाणार आहे का की एम आर आय प्रमाणे हे व्हेंटिलेटर बंद पडून महापालिकेची बदनामी झाल्यानंतर याचे पुढील कंत्राट दिले जाणार आहे,याबाबत स्पष्टता यायला हवी. अशी मागणी केली.
यावर राष्ट्रवादी काँग्रेसच्या डॉक्टर सईदा खान यांनी के इ एम रुग्णालयात किती आयसीयू बेड आहेत.३९ व्हेंटिलेटर हे कोणकोणत्या प्रकारचे आहेत अशी विचारणा करत आयसीयू मध्ये ५० टक्के व्हेंटिलेटर आणि पन्नास टक्के आयसीयू बेड्स ठेवण्यात यावे जेणेकरून रुग्णांची काळजी योग्य प्रकारे घेतली जाईल अशी सूचना केली केली. तर सभागृह नेते गणेश खणकर यांनी कोविड काळामध्ये रुग्णांची ऑक्सिजन अभावी मोठी गैरसोयी झाल्यानंतर महापालिकेच्यावतीने जे ऑक्सिजन प्लांट उभारले होते ,त्याची आजची स्थिती काय आहे, असे विचारणा केली. हे ऑक्सिजन प्लांट रुग्णांना जीवनदान देण्यासाठी, आरोग्य व्यवस्था बळकटी देण्यासाठी बनवले होते. परंतु कोविडचा आजार संपुष्टात आल्यानंतर हे ऑक्सिजन प्लांट बंद करण्यात आले आहेत. मात्र बंद करण्यात आलेली ही ऑक्सिजन प्लांटची यंत्रणा नक्की आज कुठे आहे? कुठे नेऊन ठेवली ? आहे याची माहिती समोर यायला पाहिजे. कारण यासाठी कोट्यावधी रुपयांचा खर्च करण्यात आलेला आहे. एवढा पैसा खर्च केल्यानंतर आज महापालिकेच्या रुग्णालयांना याचा उपयोग होणार नसेल तर ते योग्य नाही, असे सांगत नाराजी व्यक्त केली. तसेच याची माहिती देण्याची मागणी ही त्यांनी केली. यावर स्थायी समिती अध्यक्ष प्रभाकर शिंदे यांनी कोविड काळातील ऑक्सिजन प्लांटची आजची स्थिती काय आहे. याची माहिती समितीला सादर करावी असे निर्देश प्रशासनाला दिले आहे. यावेळी झालेल्या बैठकीत झालेल्या चर्चेत डॉक्टर अजंता यादव, श्रद्धा जाधव, शीतल गंभीर,मीनाक्षी पाटणकर आदींनी चर्चेत भाग घेतला होता.