Nashik Crime News : उपनगर पोलीस ठाण्याच्या (Upnagar Police Station) हद्दीतून अल्पवयीन मुलीला पळवून नेत त्यानंतर तिच्यावर अत्याचार करणाऱ्या आणि गुन्हा दाखल झाल्यापासून फरार असलेल्या १९ वर्षीय संशयिताला गुन्हे शाखा युनिट-२ च्या पथकाने ताब्यात घेतलंय. चिराग संतोषसिंग परदेशी (वय १९, रा. पंचवटी) असे संशयिताचे नाव असून उपनगर पोलीस ठाण्यात (Upnagar Police Station) त्याच्याविरोधात पोक्सोसह (POCSO) अपहरणाचा गुन्हा दाखल आहे.
गुन्हा दाखल झाल्यापासून संशयित पोलिसांना गुंगारा देत फरार होता. अखेर पोलिसांनी या प्रकरणाचा शिताफीने तपास करत गुप्त बातमीदारामार्फत माहिती मिळाली की, संशयित संशयित चिराग परदेशी हा पंचवटी येथील सीतागुंफा परिसरात वावरत आहे. मिळालेल्या माहितीच्या आधारे गुन्हे शाखा युनिट-२ (Crime Branch Unit-2) चे प्रभारी अधिकारी सहाय्यक पोलीस निरीक्षक हेमंत तोडकर यांनी तत्काळ कारवाईचे आदेश दिले. त्यानुसार संजय सानप, बाळू शेळके, शंकर काळे, सुनील आहेर यांच्या पथकाने सीतागुंफा परिसरात सापळा रचून चिराग परदेशी याला ताब्यात घेतले आहे.
पत्नी आणि मुलाची हत्या करून पतीची आत्महत्या
दरम्यान, दुसरीकडे नाशिकमधून पुन्हा एकदा खळबळजनक घटना समोर आली आहे. नाशिकरोडच्या (Nashik Road) जेलरोड भागातील (Jail Road Area) गोकुळ नगर परिसरात पतीने पत्नी आणि लहान मुलाची हत्या करून स्वत: विष प्राशन करून आत्महत्या केल्याची घटना समोर आली आहे. किरण एकनाथ हजारे (वय ५४) आत्महत्या (Suicide) केलेल्याचे नाव असून, त्याने पत्नी आणि मुलाची हत्या का केली? याची माहिती अद्याप समोर आलेली नाही. ( Nashik Crime News )
दरम्यान, शहरातील इंदिरानगर परिसरातील (Indiranagar Area) वनसंपदा सोसायटी उद्यानाजवळ शुक्रवारी (दि. १७) रात्री साडेदहाच्या सुमारास एका तरुणीची (Woman) गळ्यावर धारदार शस्त्राने वार करून निर्घृण हत्या केल्याची घटना घडली होती. या घटनेनंतर सदर प्रकरणातील संशयित आरोपीनेही काही तासांतच गळफास घेऊन आत्महत्या केली होती. ही घटना ताजी असतानाच पुन्हा एकदा गोकुळ नगर परिसरात अशा प्रकारची घटना घडल्याने नाशिकमध्ये एकच खळबळजनक घडली आहे.