नाटकात वडिलांची एन्ट्री होताच लेकाला(Son) आनंद गगनात मावेना:
संकर्षण सध्या त्याच्या 'कुटुंब कीर्तन' या कौटुंबिक नाटकाचे प्रयोग करत आहे. हे नाटक पाहण्यासाठी त्याची पत्नी शलाका, मुलगी स्रग्वी आणि मुलगा सर्वज्ञ उपस्थित होते.
नाटकात संकर्षणची स्टेजवर एन्ट्री होताच, प्रेक्षकांमध्ये बसलेल्या सर्वज्ञला आनंद अनावर झाला. वडिलांना पाहताच त्याच्या चेहऱ्यावर उमटलेला अभिमान, कौतुक आणि आनंदाने वाजवलेल्या टाळ्या व्हिडिओमध्ये स्पष्ट दिसत आहेत. 'हे माझे बाबा आहेत!' हा भाव त्याच्या डोळ्यांत स्पष्टपणे जाणवत होता.
बापासाठी यापेक्षा मोठी कमाई ती कोणती?
हा व्हिडिओ शेअर करताना संकर्षणने आपल्या भावना व्यक्त केल्या आहेत. तो म्हणाला, "सामान्यपणे मुलाला स्टेजवर पाहताना आई-वडिलांच्या डोळ्यांत जे कौतुक असतं, तेच कौतुक आज बापासाठी लेकाच्या डोळ्यांत दिसलं. मुलाच्या डोळ्यांत स्वतःबद्दलचे हे अथांग प्रेम आणि कौतुक पाहणे हा कोणत्याही बापासाठी आयुष्यातील सर्वात मोठा पुरस्कार असतो."
पुढे बोलताना संकर्षणने लिहिले की, "आज पोरगा बापाकडे कौतुकाने पाहतोय. उद्या वेळ बदलेल, हाच मुलगा मोठा होऊन स्वतःच्या पायावर उभा राहील आणि कर्तृत्व सिद्ध करेल, तेव्हा तोच बाप प्रेक्षकांत बसून मुलाकडे याच कौतुकाने आणि अभिमानाने पाहेल." बाप-लेकाच्या या गोड नात्याचा आणि भावनिक क्षणाचा व्हिडिओ सध्या सोशल मीडियावर प्रचंड व्हायरल होत असून प्रेक्षकांकडून त्यावर कौतुकाचा वर्षाव होत आहे.