मुंबई (विशेष प्रतिनिधी) : मुंबई महापालिकेच्या मालमत्ता विभागाचे सहायक आयुक्त डॉ पृथ्वीराज चौहाण यांची उपायुक्त पदावर बढती देण्यात आली असून या त्यांच्याकडे आता उपायुक्त(मध्यवर्ती खरेदी खाते) यांची जबाबदारी सोपवण्यात आली आहे. तर सहायक आयुक्त पदावरील आठ अधिकाऱ्यांची खांदेपालट करण्यात आली असून एम पूर्व विभागाचे सहायक आयुक्त उज्ज्वल इंगोले यांना ए विभागात तर सी विभागाच्या सहायक आयुक्त अलका ससाणे यांना पुन्हा एकदा एम पूर्व विभागात पाठवण्यात आले आहे. तर जी दक्षिण विभागाच्या सहायक आयुक्त स्वप्नजा क्षिरसागर यांच्याकडे या पदाचा भार कायम ठेवतानाच त्यांच्याकडे करनिर्धारण व संकलन विभागाचा अतिरिक्त कार्यभार सोपवण्यात आला आहे.
मुंबई महापालिकेतील सहायक आयुक्तांपैंकी ए विभागाचे सहायक आयुक्त आणि करनिर्धारण व संकलन विभागाचा अतिरिक्त कार्यभारअसलेल्या गजानन बेेल्लाळे यांची बदली मालमत्ता विभागाच्या सहायक आयुक्तपदावर करण्यात आला. तर टी विभागाच्या सहायक आयुक्त योगिता कोल्हे यांच्याकडे टी विभागाची जबाबदारी कायम ठेवतानाच सहायक आयुक्त (अतिक्रमण निर्मुलन) पूर्व उपनगरेचा अतिरिक्त कार्यभार सोवण्यात आला आहे. तर सी विभागाच्या सहायक आयुक्तपदी जलअभियंता विभागातील कार्यकारी अभियंता सुनील माने यांची नियुक्ती करण्यात आली आहे, तसेच त्यांच्याकडे बाजार विभागाच्या सहायक आयुक्तांचा अतिरिक्त कार्यभार सोपवण्यात आला आहे. तर पर्जन्य जलवाहिनी विभागातील कार्यकारी अभियंता वनिता कोकाटे यांच्याकडे के दक्षिण विभागाचा पूर्णकालिन कार्यभार सोपवण्यात आला आहे.
यापूर्वी ए विभागाचे सहायक आयुक्त असलेल्या आणि घनकचरा व्यवस्थापन विभागाचे कार्यकारी अभियंता जयदीप मोरे यांच्याकडे १ ऑगस्ट २०२६ पासून एन विभागाच्या सहायक आयुक्तपदाचा अतिरिक्त कार्यभार सोपवण्यात आला आहे.
सहायक आयुक्त आणि अधिकाऱ्यांच्या बदलीचे ठिकाण
पृथ्वीराज चौहाण : उपायुक्त मध्यवर्ती खरेदी खाते
अलका ससाणे : सहायक आयुक्त एम पूर्व विभाग
गजानन बेल्लाळे : सहायक आयुक्त मालमत्ता विभाग
स्वप्नजा क्षीरसागर : सहायक आयुक्त जी दक्षिण आणि करनिर्धारण व संकलन विभागाचा अतिरिक्त कार्यभार
उज्ज्वल इंगोले : सहायक आयुक्त ए विभाग
योगिता कोल्हे : सहायक आयुक्त टी विभाग, अतिक्रमण निर्मुलन पूर्व उपनगरे अतिरिक्त कार्यभार
सुनील माने : सहायक आयुक्त सी विभाग, बाजार विभाग अतिरिक्त कार्यभार
वनिता कोकाटे : सहायक आयुक्त के दक्षिण
जयदीप मोरे : सहायक आयुक्त एन विभाग अतिरिक्त कार्यभार