Dhule News : धुळे जिल्ह्यातुन एक हृदयद्रावक घटना समोर आली आहे. जिल्ह्यातील शिरपूर-चोपडा मार्गावर झालेल्या भीषण अपघातात दोन जिवलग मित्रांचा जागीच मृत्यू झालाय. भरधाव बसने दुचाकीला जोरदार धडक दिल्याने हा अपघात घडला. मंगळवारी रात्री हा अपघात घडला असून या अपघातामुळे मृतांच्या कुटुंबियांवर दुःखांचा डोंगर कोसळला आहे. या घटनेनंतर संतप्त नागरिकांनी रास्ता रोको आंदोलन करत काही काळ वाहतूक रोखून धरली होती. त्यानंतर पोलिसांनी घटनास्थळी दाखल होत नागरिकांची समजूत काढून वाहतूक सुरळीत केली. (Dhule Accident News )
शिरपूर : दुचाकीवरून जाताना बसची भीषण धडक, दोन मित्रांचा जागीच मृत्यू
.
.
.#prahaarnewsline #Marathinews #BusAccident #ShirpurAccident pic.twitter.com/2PcLpcfyuP
— Prahaar Newsline (@PrahaarNewsline) August 6, 2026
नेमकं प्रकरण काय ?
मंगळवारी रात्री सुमारे १० वाजण्याच्या सुमारास शिरपूर-चोपडा मार्गावर (Shirpur-Chopda Road) दोन जिवलग मित्रांवर काळाने घाला घातला. भाटपुरा (ता. शिरपूर) येथील चेतन योगेश गुजर (वय २३) आणि कल्पेश नितीन गुजर (वय २५) हे दुचाकीवरून घरी परतत असताना जळगावहून शिरपूरकडे येणाऱ्या भरधाव बसने त्यांच्या दुचाकीला जोरदार धडक दिली. (Dhule Accident News )
ही धडक इतकी भीषण होती की, बसने दुचाकीसह दोघांना सुमारे १० ते १५ फूट फरपटत नेले. त्यामुळे दोन्ही युवकांचा जागीच मृत्यू झाला. अपघाताची माहिती मिळताच महामार्ग पोलीस केंद्र (Highway Police Station) आणि शिरपूर शहर पोलीस ठाण्याचे (Shirpur City Police Station) पथक घटनास्थळी दाखल झाले. नागरिकांची समजूत काढून पोलिसांनी वाहतूक सुरळीत केली.या दुर्घटनेमुळे परिसरात हळहळ व्यक्त होत असून, अपघाताचा पुढील तपास थाळनेर पोलीस करत आहेत.