मुंबई : मुंबईतील विले पार्ले (पश्चिम) परिसरात मंगळवारी रात्री उशिरा भीषण आग लागून हृदयद्रावक दुर्घटना घडली. चर्च रोडवरील सेंट झेवियर शाळेजवळ असलेल्या ‘शांता भवन’ या ११ मजली निवासी इमारतीतील दोन फ्लॅट्सना आग लागल्याने अडीच वर्षांच्या बालकासह दोघांचा मृत्यू झाला, तर अग्निशमन दलाच्या जवानासह सहा जण जखमी झाले आहेत. (Vile Parle Fire)
रात्री १० वाजता भडकली आग :
बॅप्टिस्टा रोडवरील स्टिल्ट प्लस ११ मजली शांता भवन इमारतीच्या ११ व्या मजल्यावरील फ्लॅट क्रमांक ११०१ आणि ११०२ मध्ये रात्री १०.०२ वाजता आग लागली. सुमारे ४,००० चौरस फूट परिसरात पसरलेल्या आगीत घरातील फर्निचर, एसी युनिट्स, इलेक्ट्रिक वायरिंग, सोफा, पलंग, फॉल्स सीलिंग आणि अन्य साहित्य जळून खाक झाले. (Vile Parle Fire)
बचावासाठी यंत्रणांची धाव :
घटनेची माहिती मिळताच मुंबई अग्निशमन दल, पोलीस, वीज विभाग, पालिकेचे कर्मचारी आणि १०८ रुग्णवाहिका घटनास्थळी दाखल झाल्या. धुराचे प्रचंड लोट आणि उष्णतेमुळे बचावकार्याला मोठे आव्हान निर्माण झाले. अग्निशमन दलाच्या अथक प्रयत्नांनंतर रात्री १२.२५ वाजता आगीवर नियंत्रण मिळवण्यात आले, तर रात्री १ वाजेपर्यंत आग पूर्णपणे विझवण्यात यश आले. (Vile Parle Fire)
अडीच वर्षांच्या चिमुकल्याचा दुर्दैवी मृत्यू :
या दुर्घटनेत जखमी झालेल्या नागरिकांना तातडीने नानावटी आणि कूपर रुग्णालयात हलवण्यात आले. नानावटी रुग्णालयात उपचारादरम्यान अबीर (२.५ वर्षे) आणि अंकिता (२३ वर्षे) यांना डॉक्टरांनी मृत घोषित केले. तर पार्थ (३२), हिरेन (६४), यशस्वी आणि अभिषेक यांच्यावर उपचार सुरू असून त्यांची प्रकृती स्थिर असल्याची माहिती डॉक्टरांनी दिली आहे. (Vile Parle Fire)
अग्निशमन जवानही जखमी :
आगीचे कारण अद्याप अस्पष्ट :
आगीचे नेमके कारण अद्याप समोर आलेले नाही. प्राथमिक तपासानुसार शॉर्टसर्किटची शक्यता व्यक्त केली जात असली, तरी अग्निशमन दल आणि संबंधित यंत्रणांकडून सखोल चौकशी सुरू आहे. या दुर्घटनेनंतर विले पार्ले परिसरात शोककळा पसरली असून रहिवाशांमध्ये भीतीचे वातावरण आहे. (Vile Parle Fire)