मुंबई : कोकणात राहणाऱ्यांसाठी गणेशोत्सव आणि शिमगा अर्थात होळी हे दोन अतिशय महत्त्वाचे सण. नोकरी व्यवसायाच्या निमित्ताने गावाबाहेर असलेले हजारो कोकणवासी या दोन सणांच्या निमित्ताने गावी जातात. यामुळे गणेशोत्सव आणि शिमग्याच्या काही दिवस आधी कोकणात जाणाऱ्या सर्व ट्रेन, बस खचाखच भरल्याचे दिसते. यंदा गणेश चतुर्थी अर्थात गणेशोत्सवातील पहिला दिवस हा सोमवार १४ सप्टेंबर २०२६ रोजी आहे. गणेशोत्सवासाठी अनेक ट्रेन आणि बसचे बुकिंग अॅडव्हान्समध्ये झाले आहे. अनेकजण आजही खासगी वाहनातून अथवा विशेष ट्रेन वा बसमधून गावी जाण्यासाठी बुकिंग करण्याचा प्रयत्न करत आहेत. या पार्श्वभूमीवर कोकणात राहणाऱ्या गणेशभक्तांसाठी एक आनंदाची बातमी आली आहे.
जय महाराष्ट्र 🚩
सालाबादप्रमाणे यंदाही मुंबईहून कोकणात जाणारी "शिवसेना एक्सप्रेस" विशेष रेल्वेगाडीची व्यवस्था करण्यात आली आहे.
🗓️ प्रस्थान दिनांक: १२ सप्टेंबर २०२६ (शनिवार)
🕙 वेळ: सकाळी १० वाजता
📍 रेल्वे स्थानक: दादर रेल्वे स्थानक ते कुडाळ रेल्वे स्थानक.
📞 सीट बुकिंगसाठी… pic.twitter.com/OTzZEAzmJx
— Nilesh N Rane (@meNeeleshNRane) August 13, 2026
शिवसेना आमदार निलेश राणे यांनी गणेशभक्तांसाठी विशेष ट्रेनची व्यवस्था केली आहे. ही ट्रेन शिवसेना एक्सप्रेस या नावाने चालवली जाणार आहे. नियोजनानुसार शिवसेना एक्सप्रेस यंदा शनिवार १२ सप्टेंबर २०२६ रोजी मुंबईच्या दादर स्थानकावरून सुटणार आहे. गाडीचे गंतव्य स्थान (शेवटचे स्थानक) कुडाळ हे आहे. ही गाडी १२ सप्टेंबर रोजी सकाळी दहा वाजता सुटणार आहे. शिवसेना एक्सप्रेससाठी सोमवार ते शनिवार या कालावधीत दररोज सकाळी ११ ते संध्याकाळी पाच या वेळेत बुकिंग करता येईल. बुकिंग करण्यासाठी संबंधितांना कुडाळ अथवा मालवण विधानसभा मतदारसंघाचे मतदान ओळखपत्र (Voter ID) किंवा आधार कार्ड (Aadhaar Card) दाखवण्याचे आवाहन करण्यात आले आहे.
प्रथम येणाऱ्यास प्राधान्य या तत्वाने गणेशभक्तांसाठी विनामूल्य प्रवासाची व्यवस्था केली जाणार आहे. या प्रवासाकरिता बुकिंग करणे आवश्यक आहे. हे बुकिंग सुरू आहे.
शिवसेना आमदार निलेश राणे यांनी मुंबई आणि आसपास राहणाऱ्या कोकणवासीयांना गणेशोत्सवात गावी जाण्यासाठी शिवसेना एक्सप्रेसची व्यवस्था केली आहे. या गाडीने प्रवास करू इच्छिणाऱ्यांनी लवकर बुकिंग करावं असं आवाहन करण्यात आलं आहे.
मागील काही वर्षांपासून आमदार निलेश राणे एक उपक्रम सातत्याने राबवत आहेत. ते दरवर्षी गणेशोत्सवात गावी जाऊ इच्छिणाऱ्या कोकणवासीयांसाठी विशेष गाडीची व्यवस्था करतात. यंदा आमदार निलेश राणे यांनी शिवसेना एक्सप्रेस या विशेष गाडीची व्यवस्था केली आहे. या गाडीच्या बुकिंगसाठी सोमवार ते शनिवार या कालावधीत दररोज सकाळी ११ ते संध्याकाळी पाच या वेळेत ८४२५९०१२०२ किंवा ८४२५९०१५४५ वर संपर्क साधावा असे आवाहन करण्यात आले आहे. शिवसेना एक्सप्रेसचा प्रवास मोफत आहे. या प्रवासाकरिता कोणालाही पैसे देण्याची आवश्यकता नाही, असे आमदार निलेश राणे यांनी सांगितले आहे. या गाडीसाठी बुकिंग केल्यास ते हस्तांतरित करता येणार नाही. बुकिंगसाठी प्रथम येणाऱ्यास प्राधान्य मिळेल. तसेच बुकिंग करण्यासाठी संबंधितांना कुडाळ अथवा मालवण विधानसभा मतदारसंघाचे मतदान ओळखपत्र (Voter ID) किंवा आधार कार्ड (Aadhaar Card) दाखवावे लागणार आहे, असे आमदार निलेश राणे यांनी एक्स पोस्ट करून जाहीर केले आहे.