मुंबई : मंगळागौर म्हटलं की पारंपरिक पूजा, उत्साह, फुगड्या आणि नटलेल्या-सजलेल्या महिलांची लगबग डोळ्यांसमोर येते. श्रावणातील या खास सणाच्या दिवशी पारंपरिक साडी आणि नथीपासून ते ठुशी, कोल्हापुरी साज अशा दागिन्यांपर्यंत मराठमोळ्या दागिन्यांना विशेष महत्त्व असते. यंदाच्या मंगळागौरीच्या शृंगारात काही खास पारंपरिक दागिने ट्राय करून तुमचा लूक अधिक आकर्षक बनवू शकता. (Mangalagauri Traditional Jewellery)
१. ठुशी : मराठी महिलांच्या पारंपरिक दागिन्यांमध्ये ठुशीला विशेष स्थान आहे. गळ्याला अगदी घट्ट बसणारी ठुशी पैठणी, नऊवारी किंवा पारंपरिक साडीवर अतिशय सुंदर दिसते. साधा आणि उठावदार लूक हवा असेल तर ठुशी हा उत्तम पर्याय ठरू शकतो.
२. कोल्हापुरी साज : मंगळागौरीच्या शृंगारासाठी कोल्हापुरी साज हा आणखी एक सुंदर पर्याय आहे. विविध आकारांच्या पानांनी आणि मण्यांनी सजलेला हा पारंपरिक हार मराठमोळ्या लूकला चारचाँद लावतो. हिरव्या किंवा मोत्यांच्या दागिन्यांसोबतही तो छान दिसतो.
४. ठुशीसोबत मोहनमाळ : थोडा रॉयल आणि पारंपरिक लूक हवा असेल तर मोहनमाळ नक्की ट्राय करा. ठुशी आणि मोहनमाळ यांचे कॉम्बिनेशन पारंपरिक साडीवर खूपच सुंदर दिसते. मात्र दोन्ही दागिने जड असल्यास इतर अॅक्सेसरीज थोड्या साध्या ठेवणे चांगले.
५. बुगडी आणि पारंपरिक कर्णफुले : कानात पारंपरिक कर्णफुले आणि बुगडी घातल्याने संपूर्ण लूकला मराठमोळा अंदाज मिळतो. विशेषतः नऊवारी किंवा पैठणीसह हे दागिने उठून दिसतात.
६. वाकी आणि पाटल्या : हातांच्या शृंगारासाठी वाकी, पाटल्या आणि हिरव्या बांगड्या यांचा वापर करू शकता. हिरव्या बांगड्या आणि सोन्याचे पारंपरिक दागिने मंगळागौरीच्या सणासाठी खास मानले जातात.
दागिने निवडताना लक्षात ठेवा :
मंगळागौरीच्या दिवशी दागिने निवडताना साडीचा रंग, ब्लाऊजची डिझाइन आणि तुमचा एकूण लूक लक्षात घ्या. जड हार घातला असल्यास कानातले आणि इतर दागिने तुलनेने हलके ठेवले तर लूक अधिक संतुलित दिसतो. यंदाच्या मंगळागौरीला पारंपरिक दागिन्यांचा सुंदर साज करून मराठमोळ्या लूकने सगळ्यांचे लक्ष वेधून घ्या! (Mangalagauri Traditional Jewellery)