महाराष्ट्रातील विविध विकासप्रकल्पांवर नवी दिल्लीत सविस्तर चर्चा
नवी दिल्ली : मुख्यमंत्री देवेंद्र फडणवीस (Devendra Fadanvis) यांनी आज नवी दिल्ली येथे पंतप्रधान नरेंद्र मोदी (PM Narendra Modi) यांची भेट घेतली. या बैठकीदरम्यान महाराष्ट्रातील विविध विकासप्रकल्प आणि केंद्र सरकारच्या मदतीने सुरू असलेल्या योजनांबाबत दोन्ही नेत्यांमध्ये सविस्तर चर्चा झाली. भेटीदरम्यान मुख्यमंत्री फडणवीस यांनी राज्यातील प्रमुख विकासकामांची सद्यस्थिती आणि प्रगती याबाबत पंतप्रधान मोदी यांना सविस्तर माहिती दिली. तसेच, केंद्र सरकारच्या समन्वयातून राबविल्या जाणाऱ्या विविध प्रकल्पांच्या जलद अंमलबजावणीसाठी आणि अधिक सहकार्यासाठी केंद्राकडे पाठपुरावा केला.
देशाचे यशस्वी पंतप्रधान आणि भारताचे वैश्विक नेतृत्व मा. नरेंद्र मोदीजी यांची आज नवी दिल्ली येथे भेट घेतली आणि विविध विषयांवर सविस्तर चर्चा केली.
महाराष्ट्रातील विविध विकास प्रकल्पांची सविस्तर माहिती त्यांना दिली आणि केंद्र सरकारशी समन्वयातून राबविल्या जात असलेल्या योजना,… pic.twitter.com/M8oSWHf5T9
— Devendra Fadnavis (@Dev_Fadnavis) August 17, 2026
पंतप्रधान मोदींसोबतच्या बैठकीनंतर मुख्यमंत्री फडणवीस यांनी सोशल मीडियावरून या भेटीबाबत माहिती दिली. ते म्हणाले, "देशाचे यशस्वी पंतप्रधान आणि भारताचे वैश्विक नेतृत्व माननीय नरेंद्र मोदीजी यांची आज नवी दिल्लीत भेट घेऊन महाराष्ट्रातील विविध विषयांवर चर्चा केली. नेहमीप्रमाणेच त्यांची भेट एक नवी ऊर्जा देणारी ठरली आहे." महाराष्ट्राच्या विकासाच्या प्रश्नांवर पंतप्रधान मोदी यांचे नेहमीच बहुमूल्य मार्गदर्शन लाभते. राज्याच्या प्रगतीसाठी केंद्र सरकारचा भक्कम पाठिंबा आणि सहकार्य मिळत असल्याबद्दल मुख्यमंत्री फडणवीस यांनी पंतप्रधान मोदी यांचे विशेष आभार मानले आहेत. केंद्राच्या सहकार्याने राज्यातील रस्ते, पायाभूत सुविधा आणि इतर महत्त्वाकांक्षी प्रकल्पांना अधिक गती मिळणार असल्याचे या भेटीवरून स्पष्ट होत आहे.