- अग्निशमन दलाच्या८ गाड्या घटनास्थळी दाखल
मुंबई : मुंबईतून एक मोठी आणि महत्त्वाची बातमी समोर आली आहे. चर्चगेट स्टेशनजवळील आयकर विभागाच्या कार्यालयाला सोमवारी दुपारी भीषण आग लागली. आग लागल्यानंतर परिसरात मोठ्या प्रमाणात धुराचे लोट पसरले असून नागरिकांमध्ये भीतीचे वातावरण निर्माण झाले आहे. (Income Tax Bhavan Fire)
आगीची माहिती मिळताच मुंबई अग्निशमन दलाच्या सुमारे ८ गाड्या घटनास्थळी दाखल झाल्या आहेत. अग्निशमन दलाचे जवान आग आटोक्यात आणण्यासाठी शर्थीचे प्रयत्न करत आहेत. आगीचे स्वरूप मोठे असल्याने खबरदारीचा उपाय म्हणून परिसरात आवश्यक ती सुरक्षा व्यवस्था करण्यात आली आहे. (Income Tax Bhavan Fire)
तळमजल्यावर लागली आग?
मिळालेल्या प्राथमिक माहितीनुसार, चर्चगेट स्टेशनजवळ असलेल्या आयकर विभागाच्या कार्यालयाच्या तळमजल्यावर आग लागली. सुरुवातीला आगीचे कारण स्पष्ट झाले नव्हते. मात्र, प्राथमिक अंदाजानुसार शॉर्ट सर्किटमुळे ही आग लागली असण्याची शक्यता व्यक्त केली जात आहे. अधिकृत तपासानंतरच आगीचे नेमके कारण स्पष्ट होणार आहे. आग लागल्यानंतर काही वेळातच कार्यालयातून मोठ्या प्रमाणात धूर बाहेर पडू लागला. बघता बघता धुराचे लोट परिसरात पसरल्याने नागरिकांमध्ये एकच खळबळ उडाली. (Income Tax Bhavan Fire)
कार्यालयातील कर्मचाऱ्यांना बाहेर काढले :
आग लागली त्यावेळी आयकर विभागाच्या कार्यालयात काही कर्मचारी उपस्थित होते. आगीची माहिती मिळताच त्यांना तातडीने कार्यालयाबाहेर काढण्यात आले. त्यामुळे काही काळ परिसरात धावपळ उडाली. दरम्यान, कार्यालयात आणखी कोणी अडकले आहे का, याचा शोध अग्निशमन दलाकडून घेतला जात आहे. अग्निशमन दलाच्या जवानांकडून कार्यालयाच्या विविध भागांची तपासणी करण्यात येत असून आग पूर्णपणे नियंत्रणात आणण्याचे प्रयत्न सुरू आहेत. (Income Tax Bhavan Fire)
मोठी दुर्घटना टळली
कर्मचाऱ्यांना वेळीच बाहेर काढण्यात आल्याने मोठी जीवितहानी टळली. मात्र, या आगीत कार्यालयातील महत्त्वाची कागदपत्रे, फर्निचर किंवा इतर साहित्याचे किती नुकसान झाले, हे अद्याप स्पष्ट झालेले नाही. सध्या अग्निशमन दलाचे जवान आगीवर पूर्णपणे नियंत्रण मिळवण्यासाठी प्रयत्नशील असून, आग पूर्णपणे विझल्यानंतरच परिस्थिती अधिक स्पष्ट होणार आहे. (Income Tax Bhavan Fire)