नवी दिल्ली : स्पर्धा परीक्षांची तयारी करणाऱ्या देशभरातील तरुणांना मोफत ऑनलाइन कोचिंग उपलब्ध करून देण्याच्या पंतप्रधानांच्या उपक्रमाच्या अंमलबजावणीचा केंद्रीय शिक्षणमंत्री प्रल्हाद जोशी (Union Education Minister Pralhad Joshi) यांनी बुधवारी आढावा घेतला. यासंदर्भात त्यांनी उच्च शिक्षण विभागातील वरिष्ठ अधिकाऱ्यांसोबत बैठक घेतली. (Free Online Coaching for Competitive Exams)
या बैठकीत विद्यार्थ्यांना दर्जेदार शैक्षणिक सामग्री, तज्ज्ञांचे मार्गदर्शन आणि नियोजनबद्ध अभ्यासाची सुविधा देशभर उपलब्ध करून देण्यासाठी मजबूत राष्ट्रीय डिजिटल प्लॅटफॉर्म उभारण्यावर चर्चा करण्यात आली. स्पर्धा परीक्षांची तयारी करणाऱ्या विद्यार्थ्यांना आर्थिक अडचणींमुळे गुणवत्तापूर्ण मार्गदर्शनापासून वंचित राहावे लागू नये, हा या उपक्रमाचा उद्देश आहे. (Free Online Coaching for Competitive Exams)
प्रल्हाद जोशी (Education Minister Pralhad Joshi) यांनी ‘एक्स’वरील पोस्टद्वारे बैठकीची माहिती दिली. या उपक्रमाच्या माध्यमातून डिजिटल सार्वजनिक पायाभूत सुविधा, शिक्षक आणि अन्य शैक्षणिक संसाधनांचा एकत्रित वापर करून विद्यार्थ्यांना विविध स्पर्धा परीक्षांसाठी मोफत कोचिंग देण्याची सरकारची योजना आहे. पंतप्रधान नरेंद्र मोदी यांनी स्वातंत्र्यदिनाच्या भाषणात या मोफत ऑनलाइन कोचिंग उपक्रमाची घोषणा केली होती. देशातील तरुणांना स्पर्धा परीक्षांसाठी दर्जेदार तयारीची संधी मिळावी, यासाठी सरकारकडून डिजिटल माध्यमांचा प्रभावी वापर करण्यात येणार असल्याचे त्यांनी सांगितले होते. (Free Online Coaching for Competitive Exams)
दरम्यान, ‘वन डे, वन युनिव्हर्सिटी’ या कार्यक्रमाची सरकारकडून अद्याप औपचारिक घोषणा झालेली नाही. या कार्यक्रमाचे वेळापत्रक, सहभागी होणारी विद्यापीठे तसेच संबंधित मंत्र्यांच्या जबाबदाऱ्यांबाबत अंतिम निर्णय अद्याप झालेला नाही. (Free Online Coaching for Competitive Exams)