Nashik Crime News : कंपनीच्या कामानिमित्त मित्रासोबत वाडीवऱ्हे परिसरात (Wadivarhe area) गेलेल्या सिडकोतील ३४ वर्षीय महिलेचा अपघातात मृत्यू झाला होता. मंगळवारी दुपारी दोन वाजेच्या सुमारास संबंधित महिला मित्रासोबत एका रिसॉर्टमध्ये (Resort) जेवण केल्यानंतर बाहेर पडत होती मात्र तिच्या मित्राचे कारवरील नियंत्रण सुटल्याने कार प्रवेशद्वाराला धडकली, आणि यामध्ये महिलेला गंभीर दुखापत झाली. त्यानंतर काही वेळातच तिचा मृत्यू झाला होता. हा अपघात की घातपात याबाबत शंका उपस्थित होत असतानाच वाडीवऱ्हे पोलिसांनी (Wadivarhe Police) या घटनेचा छडा लावला आहे. (Nashik Crime News)
'ती' हत्याच, संशयित ताब्यात
इगतपुरी तालुक्यातील (Igatpuri Taluka) सांजेगाव शिवारातील ‘हिरवी मिर्ची रिसॉर्ट’जवळ झालेल्या रुपाली निलेश पाटील (वय ३४) (Rupali Nilesh Patil) यांच्या संशयास्पद मृत्यू (Death Case) प्रकरणाचा वाडीवऱ्हे पोलिसांनी (Wadivarhe Police) अवघ्या काही तासांत उलगडा केला आहे. या घटनेत रुपाली यांची हत्या झाल्याचे पोलीस तपासात उघडकीस आले असून, पोलिसांनी संशयित प्रियकर दीपक शिवाजी सैंदाणे (वय ४३) याला अटक केली आहे. (Nashik Crime News)
नेमकं प्रकरण काय ?
संशयित आरोपी दीपक सैंदाणे (Deepak Saindane) हा रुपाली पाटील यांना कारमधून फिरण्यासाठी इगतपुरीच्या सांजेगाव शिवारात (Sanjegaon Area) घेऊन जात होता. मात्र प्रवासादरम्यान दोघांमध्ये जोरदार भांडण झाले. भांडण इतके विकोपाला गेले की संतापाच्या भरात आरोपीने हिरवी मिर्ची रिसॉर्टच्या गेटसमोर रुपाली यांच्या अंगावर कार घालून त्यांना जोरदार धडक दिली. या भीषण अपघातात गंभीर जखमी झालेल्या रुपाली यांचा मृत्यू झाला. संशयाची सुई दिपककडे असल्याने पोलिसांनी दिपकची कसून चौकशी सुरु केली. पोलिसांच्या सखोल चौकशीत आरोपी दीपक (Deepak Saindane) याने हत्येची कबुली दिली आहे. (Nashik Crime News)
पोलिसांची चक्रे वेगाने फिरली
घटनास्थळाची पाहणी, फॉरेन्सिक पथकाचा तपास (Forensic team), ई-साक्ष आणि प्रत्यक्षदर्शी साक्षीदार रुपेश दोंदे (Rupesh Donde) व सुरेश एर यांच्या जबाबांवरून आरोपीचा गुन्ह्यातील थेट सहभाग निष्पन्न झाला. या प्रकरणी वाडीवऱ्हे पोलीस ठाण्यात (Wadivarhe Police Station) आधी दाखल असलेल्या गुन्ह्यात कलमवाढ करून आरोपीला अटक (Arrest) करण्यात आली आहे. रुपाली पाटील (Rupali Nilesh Patil) यांच्या पश्चात पती, सात वर्षांची मुलगी, सासू-सासरे असा परिवार आहे. या घटनेची माहिती सिडको परिसरात पसरताच खळबळ उडाली आहे.