मुंबई : गणेशोत्सव जवळ येताच मुंबई, ठाणे आणि पालघर परिसरात राहणाऱ्या कोकणवासीयांची गावाकडे जाण्यासाठी मोठी लगबग सुरू झाली आहे. गणपती बाप्पाच्या आगमनासाठी कोकणातील गावांमध्ये तयारी जोरात सुरू असताना, शहरांमध्ये कामानिमित्त राहणारे हजारो चाकरमानी आपल्या मूळ गावी जाण्याची योजना आखत आहेत. वाढती प्रवासी गर्दी लक्षात घेऊन महाराष्ट्र राज्य मार्ग परिवहन महामंडळाने अर्थात MSRTC ने मोठी तयारी केली आहे.
विरार : पतीच्या दुसऱ्या लग्नाची माहिती मिळताच संतापाच्या भरात एका महिलेने तिच्या सवतीवर चाकू आणि त्रिशूळने प्राणघातक हल्ला केल्याची धक्कादायक घटना ...
गणेशोत्सवाच्या काळात कोकणात जाणाऱ्या प्रवाशांना दिलासा देण्यासाठी MSRTC कडून ५,२२० जादा बसफेऱ्यांचे नियोजन करण्यात आले आहे. मुंबई, ठाणे आणि पालघर परिसरातून कोकणातील विविध मार्गांसाठी या विशेष बससेवा उपलब्ध करण्यात येणार आहेत. रेल्वेगाड्यांमध्ये मोठी गर्दी आणि तिकिटांसाठी वाढती प्रतीक्षा यादी पाहता, एसटी बस हा अनेक प्रवाशांसाठी महत्त्वाचा पर्याय ठरणार आहे.
यंदा मोठ्या गटाने प्रवास करणाऱ्या नागरिकांसाठीही विशेष सुविधा उपलब्ध करण्यात आली आहे. किमान ४० प्रवाशांचा गट असल्यास ग्रुप बुकिंगची सुविधा घेता येणार आहे. त्यामुळे एकाच गावातील, परिसरातील किंवा संस्थेतील नागरिकांना एकत्रितपणे प्रवास करणे अधिक सोयीचे होणार आहे.
सुपरस्टार रजनीकांत (Rajnikant) यांच्या बहुप्रतिक्षीत ‘जेलर २’ (Jailer 2) या चित्रपटाच्या रिलीज डेटबाबत गेल्या काही दिवसांपासून सोशल मीडियावर विविध अफवा पसरल्या ...
गणेशोत्सव हा महाराष्ट्रातील सर्वात मोठ्या प्रवासी हंगामांपैकी एक मानला जातो. विशेषतः मुंबई आणि ठाण्यातील कोकणवासीय मोठ्या संख्येने रत्नागिरी, सिंधुदुर्ग आणि रायगड जिल्ह्यांतील आपल्या गावांकडे रवाना होतात. त्यामुळे बसस्थानके आणि प्रमुख महामार्गांवर मोठी गर्दी होण्याची शक्यता आहे. प्रवाशांनी शेवटच्या क्षणापर्यंत थांबण्याऐवजी वेळेत आरक्षण करण्याचे आवाहन करण्यात येत आहे. गर्दीच्या दिवसांत अतिरिक्त बसफेऱ्या आणि आवश्यक व्यवस्थापन करून प्रवास अधिक सुरक्षित व सुकर करण्याचा प्रयत्न MSRTC कडून केला जाणार आहे.
गणपती बाप्पाच्या स्वागतासाठी कोकण सज्ज झाले आहे… आणि आता हजारो चाकरमान्यांची गावाकडे जाण्याची धावपळही वेगाने सुरू झाली आहे!