तेहरान : अमेरिका आणि इराणमधील तणाव पुन्हा एकदा वाढला आहे. अमेरिकन सैन्याने मंगळवारी इराणमधील इराणी रिव्होल्युशनरी गार्ड कॉर्प्स (IRGC) शी संबंधित अनेक ठिकाणांवर हल्ले केले. त्यानंतर इराणने प्रत्युत्तर देत उत्तर इराकमधील एरबिल प्रांतातील अमेरिकन लष्करी तळांवर क्षेपणास्त्र आणि ड्रोनद्वारे संयुक्त हल्ला केल्याचा दावा केला आहे. (US Iran Conflict)
होर्मुजच्या आखातातील तणावामुळे अमेरिकेची कारवाई :
अमेरिकन सेंट्रल कमांडच्या म्हणण्यानुसार, होर्मुज सामुद्रधुनीत व्यापारी जहाजे आणि अमेरिकन सैनिकांना लक्ष्य करण्याच्या IRGCच्या कथित अलीकडील प्रयत्नांच्या पार्श्वभूमीवर ही कारवाई करण्यात आली. सध्या मध्यपूर्वेत ५० हजारांहून अधिक अमेरिकन सैनिक तैनात असल्याचे सांगितले जाते. (US Iran Conflict)
ठाणे : भिवंडीत बेपत्ता झालेल्या 54 वर्षीय महिलेचा मृतदेह एका इमारतीच्या लिफ्टच्या डक्टमध्ये आढळून आल्याने खळबळ उडाली आहे. मोबाईल लोकेशनच्या आधारे ...
इराणचा अमेरिकेला जोरदार प्रत्युत्तर :
अमेरिकेच्या हल्ल्यानंतर इराणच्या IRGCने उत्तर इराकमधील एरबिलमधील अमेरिकन तळांवर क्षेपणास्त्र आणि ड्रोनचा मारा केल्याचा दावा केला आहे. दक्षिण किनारपट्टीवरील सिरिक शहरात एका विवाह सोहळ्यावर झालेल्या अमेरिकन हल्ल्याला प्रत्युत्तर म्हणून ही कारवाई करण्यात आल्याचे IRGCने म्हटले आहे. या हल्ल्यात एका मुलासह चार जणांचा मृत्यू झाल्याचा इराणचा दावा आहे. (US Iran Conflict)
इराणच्या सरकारी प्रसारमाध्यमांनुसार, या हल्ल्यात एका दुरुस्ती केंद्रासह तांत्रिक उपकरणे असलेली गोदामे उद्ध्वस्त झाली. तसेच अमेरिकन सर्व्हिलन्स बलूनच्या मार्गदर्शन यंत्रणेचेही नुकसान झाल्याचा दावा करण्यात आला आहे. तळावरील इंधन टाक्यांना आग लागली आणि काही अमेरिकन सैनिकांचा मृत्यू झाल्याचाही IRGCने दावा केला आहे. मात्र, या दाव्यांची स्वतंत्रपणे पुष्टी झालेली नाही. (US Iran Conflict)
मध्यपूर्वेत अनेक आघाड्यांवर तणाव :
अमेरिका-इराण संघर्षाच्या पार्श्वभूमीवर मध्यपूर्वेतील परिस्थिती अधिकच संवेदनशील झाली आहे. अमेरिकेने संपूर्ण मध्यपूर्वेसाठी पुन्हा प्रवासविषयक इशारा जारी केला आहे. दरम्यान, होर्मुज सामुद्रधुनीतील जहाजांची वाहतूक सुरळीत ठेवण्यासाठी ओमानसोबत योजना आखत असल्याचे इराणने म्हटले आहे. जूनमधील संघर्षामुळे प्रभावित झालेल्या इराणमधील काही अणुस्थळांची अद्याप तपासणी करता आलेली नसल्याचे संयुक्त राष्ट्रांच्या अणु निरीक्षण संस्थेने सांगितले आहे.
मुंबई : महाराष्ट्र लोकसेवा आयोगाच्या (MPSC) ड्रग इन्स्पेक्टर (ग्रुप-B) परीक्षेतील कथित पेपरफुटी प्रकरणात मुंबई पोलिसांनी आणखी एका उमेदवाराला अटक केली आहे. ...
इस्रायलने गाझामध्ये हमासच्या एका वरिष्ठ सुरक्षा अधिकाऱ्याला ताब्यात घेतल्याचा दावा केला आहे. यमनकडून इस्लामिक स्टेटच्या एका प्रवक्त्याच्या मृत्यूची घोषणा करण्यात आली असून, होर्मुज सामुद्रधुनीच्या आसपास दोन जहाजांवर हल्ले झाल्याचीही माहिती समोर आली आहे. (US Iran Conflict)
संघर्षाचा विस्तार होण्याची भीती :
रविवारी अमेरिकन सैन्याने होर्मुज सामुद्रधुनीतील लाराक बेटावरील रॉकेट लाँचर्सवर हल्ला केल्याचे सांगितले होते. त्यानंतर इराणने जॉर्डनमधील अमेरिकन तळांवर क्षेपणास्त्रे डागली होती. ही क्षेपणास्त्रे रोखण्यात आल्याचे सांगण्यात आले. तसेच संयुक्त अरब अमिरातीने आपल्या हवाई क्षेत्रावर एका इराणी ड्रोनला रोखल्याचे जाहीर केले. अमेरिका आणि इराणमधील वाढता संघर्ष पाहता मध्यपूर्वेतील परिस्थिती आणखी चिघळण्याची शक्यता व्यक्त केली जात आहे. (US Iran Conflict)